ബഹ്റൈൻ : (gcc.truevisionnews.com) ബഹ്‌റൈനിൽ സംരംഭങ്ങളെ പിന്തുണക്കുന്ന താംകീൻ ഡിജിറ്റൽ പ്രാപ്തമാക്കൽ പരിപാടിക്ക് തുടക്കം കുറിച്ചു. സ്വകാര്യ മേഖലയിലെ കരിയർ വികസനത്തിന് അനുയോജ്യമായ കഴിവുകൾ, സംരംഭങ്ങളുടെ വളർച്ച, ഡിജിറ്റൈസേഷൻ, സുസ്ഥിരത എന്നിവയ്ക്ക് മുൻഗണന നൽകുക പദ്ധതിയുടെ ലക്ഷ്യമെന്ന് അധികൃതർ പ്രതികരിച്ചു.
ബഹ്‌റൈനിൽ സ്വദേശികൾ പങ്കാളികളായി തുടക്കം കുറിക്കുന്ന ബിസിനസുകൾക്ക് ശതമാന വ്യവസ്ഥയിൽ സാമ്പത്തിക സഹായം ലഭ്യമാക്കുന്ന ഗവൺമെന്റ് സഹായ സ്ഥാപനമാണ് താംകീൻ. ബിസിനസുകളിൽ നിക്ഷേപ ഡിജിറ്റൽ പരിഹാരങ്ങളും ഉപകരണങ്ങളും സ്വീകരിച്ച് പ്രവർത്തനക്ഷമത വർദ്ധിപ്പിക്കുന്നതിലൂടെ സംരംഭങ്ങളുടെ പ്രവർത്തനങ്ങൾ വികസിപ്പിക്കുന്നതിന് പിന്തുണ നൽകുന്നതിനായി ലേബർ ഫണ്ട് "തംകീൻ" ഡിജിറ്റൽ പ്രാപ്തമാക്കൽ പരിപാടി ആരംഭിച്ചു.
പദ്ധതിയിൽ രണ്ട് പ്രധാന ട്രാക്കുകൾ ഉൾപ്പെടുന്നു. ആദ്യ ട്രാക്ക് സംരംഭങ്ങൾക്ക് ഉൽപാദനക്ഷമത വർദ്ധിപ്പിക്കുന്നതിനും ബിസിനസ് ആവശ്യകതകൾ നിറവേറ്റുന്നതിനുമുള്ള നൂതന ഉപകരണങ്ങൾ നൽകുന്നതിലൂടെ അംഗീകൃത സേവന ദാതാക്കളിലൂടെ ഡിജിറ്റൽ പരിഹാരങ്ങളിൽ നിന്ന് പ്രയോജനം നേടാൻ പ്രതപ്തമാക്കുന്നു.
രണ്ടാമത്തെ ട്രാക്ക് സംരംഭങ്ങൾക്ക് അവരുടെ ആവശ്യങ്ങളുമായി പൊരുത്തപ്പെടുന്ന ഡിജിറ്റൽ പരിഹാരങ്ങൾ നൽകുന്നതിന് ഏറ്റവും അനുയോജ്യമായ സേവന ദാതാവിനെ തിരഞ്ഞെടുക്കാനുള്ള സ്വാതന്ത്ര്യം നൽകുന്നു. ഈ പദ്ധതിയുടെ തുടക്കം തംകീൻ സംരംഭങ്ങൾക്ക് നൽകുന്ന എല്ലാ പിന്തുണക്കും പ്രയോജനം ലഭിക്കുമെന്ന് ലേബർ ഫണ്ട് തംകീന്റെ ചീഫ് എക്സിക്യൂട്ടീവ് മഹാ അബ്ദുൽഹമീദ് മൊഫീസ് വ്യക്തമാക്കി.
വിവിധ സംരംഭങ്ങളുടെ പ്രവർത്തനങ്ങൾ വികസിപ്പിക്കുന്നതിനും ഉൽപ്പാദനക്ഷമത വർദ്ധിപ്പിക്കുന്നതിനും സംഭാവന നൽകുന്ന നൂതന ഡിജിറ്റൽ പരിഹാരങ്ങൾ സ്വീകരിക്കാൻ സംരംഭങ്ങളെ പ്രോത്സാഹിപ്പിക്കുക എന്നതാണ് പരിപാടിയിലൂടെ ലക്ഷ്യമിടുന്നത്. ഇത് സംരംഭങ്ങളുടെ പ്രകടനത്തെയും ദേശീയ സാമ്പത്തിക വളർച്ചയ്ക്കുള്ള സംഭാവനക്കും കാരണമാകും. അതോടൊപ്പം കൂടുതൽ ഗുണനിലവാരമുള്ള തൊഴിലവസരങ്ങൾ സൃഷ്ടിക്കാൻ കാരണമാകുമെന്നും അധികൃതർ അറിയിച്ചു.
Bahrain launches Tamkeen Digital project to support enterprises
.jpg)