കരുത്താർജ്ജിക്കുന്നു....! സർവീസുകൾ വിപുലീകരിക്കാൻ റിയാദ് എയർലൈൻ; പുതിയ വിമാനങ്ങൾ വാങ്ങുന്നു

റിയാദ്:(gcc.truevisionnews.com) സൗദി അറേബ്യയുടെ പുതിയ ദേശീയ വിമാനക്കമ്പനിയായ റിയാദ് എയർ തങ്ങളുടെ അന്താരാഷ്ട്ര സർവീസുകൾ വൻതോതിൽ വിപുലീകരിക്കാനൊരുങ്ങുന്നു. ഇതിന്റെ ഭാഗമായി 28 ബോയിങ് 787 ഡ്രീംലൈനർ വിമാനങ്ങൾ കൂടി വാങ്ങാൻ കമ്പനി തീരുമാനിച്ചു.

യുകെയിൽ നടന്ന പ്രശസ്തമായ ഫാൻബറോ ഇന്റർനാഷണൽ എയർഷോയിലാണ് ഇതുസംബന്ധിച്ച നിർണായക കരാർ ഒപ്പിട്ടത്.റിയാദ് എയർലൈൻസ് സിഇഒ ടോണി ഡഗ്ലസും ബോയിങ് കൊമേഴ്‌സ്യൽ എയർപ്ലെയിൻസ് പ്രസിഡന്റും സിഇഒയുമായ സ്റ്റെഫാനി പോപ്പും ചേർന്നാണ് കരാറിൽ ഒപ്പുവെച്ചത്.

പുതിയ കരാറോടെ റിയാദ് എയർ ഓർഡർ ചെയ്ത ബോയിങ് ഡ്രീംലൈനർ വിമാനങ്ങളുടെ ആകെ എണ്ണം 67 ആയി ഉയർന്നു.ഈ കരാറിലെ പ്രധാന പ്രത്യേകത, മുമ്പ് നിശ്ചയിച്ചിരുന്ന 20 വിമാനങ്ങളുടെ ഓപ്ഷൻ ബോയിങ് ഡ്രീംലൈനർ പരമ്പരയിലെ ഏറ്റവും വലിയ മോഡലായ 787-10 ശ്രേണിയിലേക്ക് മാറ്റിയതാണ്.

നിലവിലുള്ള 787-9 നേക്കാൾ 50 സീറ്റുകൾ അധികമുള്ളതാണ് 787-10. ഇന്ധന ഉപഭോഗത്തിലും കാർബൺ ഉദ്വമനത്തിലും 25 ശതമാനം വരെ കുറവ് വരുത്താനും ഇവയ്ക്ക് സാധിക്കും. ബോയിങ് വിമാനങ്ങൾക്ക് പുറമേ എയർബസുമായും റിയാദ് എയർ കരാറിലെത്തി. ആറ് എയർബസ് A350-1000 വിമാനങ്ങൾ കൂടി വാങ്ങാൻ തീരുമാനിച്ചതോടെ ഈ വിഭാഗത്തിലെ ആകെ വിമാനങ്ങളുടെ എണ്ണം 31 ആയി.

Also read: ദുബായിൽ സ്വർണവില കുതിച്ചുയരുന്നു; ഗ്രാം ഒന്നിന് കൂടിയത് അഞ്ച് ദിർഹം, പുതിയ നിരക്കുകൾ അറിയാം

സൗദി അറേബ്യയുടെ വിഷൻ 2030 പദ്ധതി ലക്ഷ്യമിട്ട് 2030-ഓടെ ലോകമെമ്പാടുമുള്ള 100-ലധികം നഗരങ്ങളിലേക്ക് സർവീസ് നടത്താനാണ് റിയാദ് എയറിന്റെ പദ്ധതി. ഈ പുതിയ വിമാനങ്ങൾ ആ ലക്ഷ്യത്തിലേക്കുള്ള വലിയ കുതിപ്പാകും.

Content Highlight: Riyadh Air Orders 28 More Boeing 787 Dreamliners, Total Fleet Reaches 67

#Riyadh Air #Boeing 787 Dreamliner #Saudi Arabia #Vision 2030 #Saudi Airlines #Aviation News