ദുബായിൽ സ്വർണവില കുതിച്ചുയരുന്നു; ഗ്രാം ഒന്നിന് കൂടിയത് അഞ്ച് ദിർഹം, പുതിയ നിരക്കുകൾ അറിയാം

ദുബായ്: (https://gcc.truevisionnews.com/) യുഎഇയിൽ സ്വർണവിലയിൽ വീണ്ടും വർധന. ഗ്രാം ഒന്നിന് 5 ദിർഹത്തിന്റെ വർധനവാണ് ഇന്ന് രാവിലെ രേഖപ്പെടുത്തിയത്. അമേരിക്കൻ പലിശനിരക്ക് ഉയർന്നേക്കാമെന്ന സൂചനകളും പണപ്പെരുപ്പ ആശങ്കകളും നിലനിൽക്കുമ്പോഴാണ് വിപണിയിൽ സ്വർണവില ഉയർന്നിരിക്കുന്നത്.

ദുബായ് ജ്വല്ലറി ഗ്രൂപ്പിന്റെ കണക്കുകൾ പ്രകാരം 24 കാരറ്റ് സ്വർണത്തിന് ഗ്രാമിന് 488 ദിർഹമാണ് ഇന്നത്തെ നിരക്ക്. ഇന്നലെ വിപണി വ്യാപാരം അവസാനിക്കുമ്പോൾ ഇത് 483 ദിർഹമായിരുന്നു. 22 കാരറ്റ് സ്വർണത്തിന് 451 ദിർഹവും 21 കാരറ്റ് സ്വർണത്തിന് 431 ദിർഹവുമാണ് വില. കൂടാതെ, 18 കാരറ്റ് സ്വർണത്തിന് 369 ദിർഹവും 14 കാരറ്റിന് 317.5 ദിർഹവുമാണ് വിപണിയിലെ മറ്റ് നിരക്കുകൾ.

ആഗോള വിപണിയിൽ സ്പോട്ട് ഗോൾഡ് നിരക്കിൽ 0.93 ശതമാനത്തിന്റെ വർധനവുണ്ടായിട്ടുണ്ട്. ഔൺസിന് 4,050 ഡോളർ എന്ന നിലയിലാണ് നിലവിൽ വ്യാപാരം പുരോഗമിക്കുന്നത്. ഇതിനു പുറമെ വെള്ളി വിലയിലും 1.84 ശതമാനത്തിന്റെ വർധനവോടെ ഔൺസിന് 57.87 ഡോളർ എന്ന നിലയിലെത്തി.

ഡോളർ മൂല്യം സ്ഥിരത പുലർത്തുന്നത് സ്വർണത്തിന് ഭാഗികമായി തുണയാകുന്നുണ്ടെങ്കിലും, ക്രൂഡ് ഓയിൽ വില വർധിക്കുന്നത് പണപ്പെരുപ്പ ഭീതി ഉയർത്തുന്നുണ്ടെന്ന് വിപണി വിദഗ്ധർ ചൂണ്ടിക്കാണിക്കുന്നു. ബ്രെന്റ് ക്രൂഡ് ഓയിൽ വില വീണ്ടും ഉയർന്നത് ഊർജ ചെലവുകൾ വർധിപ്പിക്കുകയും ഇത് പണപ്പെരുപ്പം കൂടുതൽ സങ്കീർണമാക്കുകയും ചെയ്തേക്കാം. വരും ദിവസങ്ങളിൽ യുഎസ് ഫെഡറൽ റിസർവ് പലിശനിരക്കുകളിൽ വരുത്തുന്ന മാറ്റങ്ങൾ സ്വർണവിലയെ നിർണായകമായി സ്വാധീനിക്കുമെന്നാണ് വിലയിരുത്തൽ.

Also read: കരുത്താർജ്ജിക്കുന്നു....! സർവീസുകൾ വിപുലീകരിക്കാൻ റിയാദ് എയർലൈൻ; പുതിയ വിമാനങ്ങൾ വാങ്ങുന്നു

Content Highlight: UAE Gold Price Today: 24K Gold Rises by 5 Dirhams to 488 AED per Gram

#UAE Gold Price #Dubai Gold Rate #24K Gold Price #Gold Rate Today #Silver Price