വിവാഹവാ​ഗ്ദാനം നൽകി പീഡിപ്പിച്ചു, പിന്നാലെ ദളിത് യുവതി ആത്മഹത്യയ്ക്ക് ശ്രമിച്ചു; ഒളിവിലായിരുന്ന പ്രതി എരുമേലിയിൽ പിടിയിൽ

മാന്നാർ(ആലപ്പുഴ): ( www.truevisionnews.com ) വിവാഹവാഗ്ദാനം നൽകി ദളിത് യുവതിയെ പീഡിപ്പിച്ച കേസിൽ ഒളിവിൽ കഴിഞ്ഞിരുന്ന പ്രതി അറസ്റ്റിൽ. ബുധനൂർ എണ്ണയ്ക്കാട്ട് അമ്പാട്ട് പുത്തൻവീട്ടിൽ അനൂപ് എന്ന 29 കാരനെയാണ് ചെങ്ങന്നൂർ ഡിവൈഎസ്‌പി ജെ. സന്തോഷ് കുമാറിന്റെ നേതൃത്വത്തിലുള്ള സംഘം പിടികൂടിയത്.

കേസ് രജിസ്റ്റർ ചെയ്തതറിഞ്ഞ ഉടൻ മൊബൈൽ ഫോൺ ഉപേക്ഷിച്ച് ഒളിവിൽ പോയ പ്രതിയെ കോട്ടയം ജില്ലയിലെ എരുമേലിയിലുള്ള ഒരു ഒളിത്താവളത്തിൽ നിന്നാണ് അന്വേഷണ സംഘം കണ്ടെത്തിയത്. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.

യുവതിയുമായി അടുപ്പത്തിലായ പ്രതി വിവാഹം കഴിക്കാമെന്ന് വാഗ്ദാനം നൽകി സ്നേഹം നടിച്ചു. തുടർന്ന് യുവതി താമസിക്കുന്ന വാടക വീട്ടിലും പ്രതിയുടെ വീട്ടിലും വച്ച് നിരവധി തവണ പീഡിപ്പിക്കുകയായിരുന്നു. എന്നാൽ പിന്നീട് പ്രതി വിവാഹാലോചനയിൽ നിന്ന് പിന്മാറി.

ഇതോടെ മാനസികമായി തകർന്ന യുവതി ആത്മഹത്യക്ക് ശ്രമിച്ചു. ഗുരുതരാവസ്ഥയിൽ വണ്ടാനം മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുന്നതിനിടെയാണ് സംഭവം പുറംലോകം അറിഞ്ഞത്. യുവതിയുടെ മൊഴിയുടെ അടിസ്ഥാനത്തിൽ മാന്നാർ പൊലീസ് കേസ് രജിസ്റ്റർ ചെയ്തു.

Also read: ഓണത്തിന് പ്രവാസികൾക്ക് കോളടിക്കും ! ഗൾഫ് കറൻസികളുടെ വിനിമയ നിരക്ക് വീണ്ടുമുയർന്നു

കേസ് രജിസ്റ്റർ ചെയ്ത് ഒരു മാസത്തോളം ആയിട്ടും പ്രതിയെ പിടികൂടാത്തതിൽ പൊലീസിന്റെ ഭാഗത്ത് നിന്ന് വീഴ്ചയുണ്ടെന്ന ആരോപണം ഉയർന്നിരുന്നു. അന്വേഷണത്തിൽ രാഷ്ട്രീയ ഇടപെടൽ ഉണ്ടെന്നും യുവതിയുടെ പിതാവ് ആരോപിച്ചു.

മുഖ്യമന്ത്രി, ആഭ്യന്തര മന്ത്രി, പട്ടികജാതി വികസന മന്ത്രി, ഉന്നത പൊലീസ് ഉദ്യോഗസ്ഥർ എന്നിവർക്ക് പരാതി നൽകിയതിന് പിന്നാലെയാണ് പ്രതിയെ പിടികൂടിയത്.സംഭവത്തിൽ സമഗ്ര അന്വേഷണം നടക്കുമെന്ന് പൊലീസ് അറിയിച്ചു.വാക്ക് എണ്ണം: 202

Content Highlight: Man Arrested in Mannar for Raping Dalit Woman on False Marriage Promise, Was Hiding in Erumeli

#Latest News #Mannar Rape Case #Alappuzha Crime #Dalit Woman #Kerala Police