#Kuwait News #Bnaid Al Qar #Illicit Liquor #Kuwait Police #Asian Arrest #Fake Alcohol
കുവൈത്ത് സിറ്റി: ( https://gcc.truevisionnews.com/) കുവൈത്തിലെ ബ്നെയ്ദ് അൽ ഖാറിൽ വ്യാജമദ്യം നിർമ്മിച്ച് വിറ്റ ഏഷ്യൻ വംശജൻ തലസ്ഥാന സുരക്ഷാ ഡയറക്ടറേറ്റിന്റെ പിടിയിൽ. സ്വന്തം വീട്ടിൽ വ്യാജമദ്യം വാറ്റി കുപ്പി ഒന്നിന് 10 കുവൈത്തി ദിനാർ നിരക്കിൽ വിൽപന നടത്തിവന്ന പ്രതിയാണ് അറസ്റ്റിലായത്.
പട്രോളിംഗിനിടെ വാഹനം ഓടിച്ചിരുന്ന പ്രതിയുടെ സംശയാസ്പദമായ പെരുമാറ്റം ശ്രദ്ധയിൽപ്പെട്ടതിനെ തുടർന്ന് പൊലീസ് വാഹനം നിർത്താൻ ആവശ്യപ്പെടുകയായിരുന്നു. എന്നാൽ പൊലീസിനെ വെട്ടിച്ച് രക്ഷപ്പെടാൻ ശ്രമിച്ച ഇയാളെ പട്രോളിംഗ് സംഘം സാഹസികമായി പിന്തുടർന്ന് പിടുകൂടുകയായിരുന്നു.
തുടർന്ന ഇയാളുടെ വാഹനത്തിൽ നടത്തിയ പരിശോധനയിൽ പ്രാദേശികമായി നിർമ്മിച്ച 48 കുപ്പി വ്യാജമദ്യം കണ്ടെത്തുകയും ചെയ്തു. വീടുകളിൽ വ്യാജമദ്യം നിർമ്മിച്ച് വൻതോതിൽ വിൽപന നടത്തിവരികയായിരുന്നുവെന്ന് പ്രതി പ്രാഥമിക ചോദ്യം ചെയ്യലിൽ സമ്മതിച്ചിട്ടുണ്ട്.
തുടർനടപടികൾക്കും വിശദമായ അന്വേഷണത്തിനുമായി പ്രതിയെ ഡ്രഗ് കൺട്രോൾ ജനറൽ ഡയറക്ടറേറ്റിന് കൈമാറി. അതേസമയം കുവൈറ്റിൽ വാണിജ്യ തട്ടിപ്പുകൾക്കെതിരെ കർശന നടപടിയുമായി വാണിജ്യ മന്ത്രാലയം. കാപ്പിറ്റൽ ഗവർണറേറ്റിലെ ഒരു ഗോഡൗണിൽ നടത്തിയ പ്രത്യേക പരിശോധനയിൽ വൻതോതിൽ കാലാവധി കഴിഞ്ഞ ഉൽപ്പന്നങ്ങളും 1.32 ടൺ തംബാക്കും പിടിച്ചെടുത്തു.
വാണിജ്യ നിയന്ത്രണ ഉപഭോക്തൃ സംരക്ഷണ വകുപ്പിലെ ഇൻസ്പെക്ഷൻ ടീമുകൾ നടത്തിയ കൃത്യമായ നിരീക്ഷണത്തിനൊടുവിലാണ് ഗോഡൗണിൽ റെയ്ഡ് നടത്തിയത്. പ്രാദേശിക വിപണിയിൽ വിതരണം ചെയ്യാനായി സൂക്ഷിച്ചിരുന്ന 1,500 പാക്കറ്റോളം കാലാവധി കഴിഞ്ഞ സൗന്ദര്യവർദ്ധക വസ്തുക്കളും ഡിറ്റർജന്റുകളുമാണ് അധികൃതർ പിടിച്ചെടുത്തത്. നിയമവിരുദ്ധമായി സൂക്ഷിച്ചിരുന്ന 1.32 ടൺ തംബാക്കും ഗോഡൗണിൽ നിന്ന് കണ്ടെത്തിയിട്ടുണ്ട്.
Content Highlight: Asian Man Arrested in Kuwait for Making and Selling Illicit Liquor in Bnaid Al Qar
#Kuwait News #Bnaid Al Qar #Illicit Liquor #Kuwait Police #Asian Arrest #Fake Alcohol
