ഹൃദയാഘാതം; മലയാളി യുവാവ് ജിദ്ദയിൽ അന്തരിച്ചു

ജിദ്ദ: (gcc.truevisionnews.com) സൗദി അറേബ്യയിലെ ജിദ്ദയിൽ താമസസ്ഥലത്ത് ഉണ്ടായ ഹൃദയാഘാതത്തെ തുടർന്ന് മലപ്പുറം സ്വദേശിയായ യുവ പ്രവാസി അന്തരിച്ചു. മങ്കട കുറുവ ചെറുകുളമ്പ് സ്വദേശി ചാലൂത്ത് ഷബീബ് (33) ആണ് മരണപ്പെട്ടത്.ജിദ്ദയിലെ അൽ ഖുംറ മേഖലയിൽ ജോലി ചെയ്തുവരികയായിരുന്നു ഷബീബ്.

ഒരു വർഷം മുൻപാണ് ഉപജീവനത്തിനായി ഇദ്ദേഹം സൗദിയിലെത്തിയത്. താമസസ്ഥലത്ത് കുഴഞ്ഞുവീണതിനെ തുടർന്ന് ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.ഷബീബിന്റെ മൃതദേഹം നിലവിൽ ജിദ്ദയിലെ അബ്ദുൽ അസീസ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.

നിയമപരമായ എല്ലാ നടപടികളും പൂർത്തിയാക്കിയ ശേഷം മൃതദേഹം ജിദ്ദയിൽ തന്നെ ഖബറടക്കുമെന്ന് ബന്ധുക്കൾ അറിയിച്ചു.

പരേതനായ ചാലൂത്ത് മൊയ്തുവിന്റെയും ഫാത്തിമയുടെയും മകനാണ് ഷബീബ്. ഭാര്യ: ഫഹ്‌മ. സഹോദരങ്ങൾ: നൗഷാദ്, റമീസ്, പരേതയായ സമീറ.അപ്രതീക്ഷിതമായുള്ള മരണവാർത്ത കുടുംബത്തെയും നാട്ടുകാരെയും ഞെട്ടിച്ചിരിക്കുകയാണ്. നിയമനടപടികൾ വേഗത്തിൽ പൂർത്തിയാക്കുന്നതിനും മറ്റു സഹായങ്ങൾക്കുമായി ജിദ്ദ കെഎംസിസി വെൽഫെയർ വിങ് പ്രവർത്തകർ രംഗത്തുണ്ട്.

Also read: ഷാർജയിൽ കെട്ടിടത്തിൽ നിന്ന് വീണ് പരുക്കേറ്റ് ചികിത്സയിലായിരുന്ന മലയാളി യുവാവ് മരിച്ചു

വിദേശത്ത് വെച്ചുള്ള മരണങ്ങളുമായി ബന്ധപ്പെട്ട രേഖകൾ തയ്യാറാക്കുന്നതിനും മൃതദേഹം സംസ്കരിക്കുന്നതിനുമുള്ള സഹായങ്ങൾ കെഎംസിസി നൽകിവരുന്നുണ്ട്.ജോലിക്കായി വിദേശത്തെത്തി ഒരു വർഷം പോലും തികയും മുൻപാണ് ഷബീബിന്റെ വിയോഗം.  

Content Highlight: Malappuram Native Shabeeb Dies of Heart Attack in Jeddah, Saudi Arabia

#Saudi Arabia #Malappuram #Heart Attack #Indian Expat Death #KMCC Jeddah #Pravasi Death