മക്ക : (https://gcc.truevisionnews.com/) ലക്ഷക്കണക്കിന് ഹാജിമാർ അറഫാ മൈതാനിയിൽ പ്രാർത്ഥനാ നിർഭരമായി ഒത്തുചേർന്ന പുണ്യദിനത്തിൽ, മക്കയിലെ വിശുദ്ധ കഅബാലയത്തിന് മുകളിൽ അത്യപൂർവ പ്രതിഭാസം. സൂര്യൻ നേരെ കഅബയ്ക്ക് മുകളിൽ. അപൂർവമായി മാത്രം സംഭവിക്കുന്ന ഈ പ്രതിഭാസം അറഫാ ദിനത്തിലായി എന്നതു ശ്രദ്ധേയം.
ഇന്നലെ ഉച്ചയ്ക്ക് സൗദി സമയം 12:18നാണ് സൂര്യൻ വിശുദ്ധ കഅബാലയത്തിന് തൊട്ടുമുകളിൽ വന്നത്. ഈ സമയത്ത് കഅബയുടെയും മക്കയിലെ മറ്റ് വസ്തുക്കളുടെയും നിഴലുകൾ അപ്രത്യക്ഷമായി. സൂര്യൻ കഅബയ്ക്ക് മുകളിൽ 89.94 ഡിഗ്രി ഉയരത്തിലാണ് എത്തിയത്. ലോകമെമ്പാടുമുള്ള മുസ്ലിംകൾക്ക് തങ്ങൾ നിൽക്കുന്ന സ്ഥലത്തുനിന്ന് കഅബയുടെ കൃത്യമായ ദിശ (ഖിബ്ല) നിർണയിക്കാൻ സഹായിക്കുന്ന നിമിഷം കൂടിയായിരുന്നു ഇത്.
Content Highlight: The sun was just above the Kaaba during the Arafat gathering in Mecca; a rare moment when shadows disappeared
