മനാമ: (gcc.truevisionnews.com) ഹമദ് ടൗണിലെ ശൈഖ് ഖലീഫ ബിൻ സൽമാൻ സ്ട്രീറ്റിലുള്ള പ്രധാന തുരങ്കങ്ങളിൽ സി.സി.ടി.വി ക്യാമറകൾ സ്ഥാപിക്കാനുള്ള ശുപാർശ നോർത്തേൺ ഏരിയ മുൻസിപ്പൽ കൗൺസിലിന്റെ പരിഗണനയിൽ.
റോഡ് സുരക്ഷ വർധിപ്പിക്കാനും ഗതാഗത തടസ്സങ്ങൾ ഫലപ്രദമായി നിയന്ത്രിക്കാനുമാണ് ഈ നീക്കം. ടണലുകൾക്കുള്ളിലെ ഗതാഗതം സസൂക്ഷ്മം നിരീക്ഷിക്കുന്നതിലൂടെ റോഡ് അച്ചടക്കം ഉറപ്പാക്കാൻ സാധിക്കുമെന്ന് അധികൃതർ വിലയിരുത്തുന്നു.
അപകടങ്ങളോ തീപിടിത്തമോ പോലുള്ള അടിയന്തര സാഹചര്യങ്ങൾ ഉണ്ടായാൽ വേഗത്തിൽ ഇടപെടാനും രക്ഷാപ്രവർത്തനം കാര്യക്ഷമമാക്കാനും ഈ നിരീക്ഷണ സംവിധാനം സഹായിക്കും.
അപകടങ്ങൾ നടന്ന ശേഷം നടപടിയെടുക്കുന്നതിന് പകരം, പ്രശ്നസാധ്യതകൾ മുൻകൂട്ടി തിരിച്ചറിഞ്ഞ് പ്രതിരോധിക്കുക എന്ന ലക്ഷ്യത്തോടെയാണ് പുതിയ പദ്ധതി വിഭാവനം ചെയ്തിരിക്കുന്നത്.
Tunnels in Hamad Town now under camera surveillance
