ലഹരി നിർമാർജനത്തിന് 'ഡിജിറ്റൽ വേട്ട'; ആഗോള മാതൃകയാകാൻ പുത്തൻ സാങ്കേതികവിദ്യയുമായി യു.എ.ഇ

അബുദാബി:( https://gcc.truevisionnews.com/) സിന്തറ്റിക് ലഹരിവസ്തുക്കളുടെ വ്യാപനത്തിനും ഡിജിറ്റൽ പ്ലാറ്റ്‌ഫോമുകൾ വഴിയുള്ള ലഹരിമരുന്ന് കച്ചവടത്തിനുമെതിരെ കർശന നടപടികളുമായി യു.എ.ഇ. ആധുനിക സാങ്കേതികവിദ്യകൾ പ്രയോജനപ്പെടുത്തി ലഹരി മാഫിയയെ നേരിടുന്നതിൽ രാജ്യം ആഗോളതലത്തിൽ മാതൃകയാവുകയാണെന്ന് നാഷനൽ ഡ്രഗ് എൻഫോഴ്‌സ്‌മെന്റ് അതോറിറ്റി അറിയിച്ചു.

2024–2031 ദേശീയ ലഹരിവിരുദ്ധ തന്ത്രത്തിന്റെ ഭാഗമായാണ് യുഎഇയുടെ പുതിയ നടപടികൾ. നാഷനൽ ഡ്രഗ് എൻഫോഴ്സ്മെന്റ് അതോറിറ്റിയുടെ നേതൃത്വത്തിൽ ശാസ്ത്രീയവും സാങ്കേതികവുമായ സംവിധാനങ്ങൾ ശക്തമാക്കി.

എഐ, ഡേറ്റാ വിശകലനം, സൈബർ നിരീക്ഷണം എന്നിവ ഉപയോഗപ്പെടുത്തി ഡിജിറ്റൽ പ്ലാറ്റ്ഫോമുകളിലൂടെ നടക്കുന്ന ലഹരി കച്ചവടവും കടത്തു ശൃംഖലകളും കണ്ടെത്തി തകർക്കാനാണ് ലക്ഷ്യം. സോഷ്യൽ മീഡിയ, ഡാർക്ക് വെബ്, ഓൺലൈൻ പേയ്മെന്റ് വഴിയുള്ള ഇടപാടുകൾ എന്നിവയും അതോറിറ്റി സൂക്ഷ്മമായി നിരീക്ഷിക്കുന്നുണ്ട്.

"ലഹരി നിർമാർജനം ചെയ്യാനുള്ള പോരാട്ടത്തിൽ ഒന്നിക്കാം" എന്ന സന്ദേശവുമായി ദേശീയ ലഹരിവിരുദ്ധ ക്യാംപെയിനും നടപ്പാക്കുന്നുണ്ട്.കുടുംബങ്ങൾ, സ്കൂളുകൾ, കോളജുകൾ, സമൂഹ സംഘടനകൾ എന്നിവയുടെ പങ്കാളിത്തത്തോടെ യുവാക്കളെ ലഹരിയിൽ നിന്ന് അകറ്റുകയും ബോധവൽക്കരണം ശക്തമാക്കുകയുമാണ് പദ്ധതിയുടെ പ്രധാന ലക്ഷ്യം. സ്കൂളുകളിലും തൊഴിലിടങ്ങളിലും ലഹരിവിരുദ്ധ ക്ലാസുകളും വർക്ക്ഷോപ്പുകളും സംഘടിപ്പിക്കുന്നുണ്ട്.

Also read: ഇത് വെറുമൊരു ചൂടല്ല, തീപ്പൊരിയാണ്! 50 ഡിഗ്രിയോട് അടുത്ത് ഒമാൻ, കടുത്ത മുന്നറിയിപ്പുമായി അതോറിറ്റി

Content Highlight: UAE Launches AI Driven Anti Drug Strategy 2024-2031, Hisn Helpline 80044

#UAE Anti Drug #Synthetic Drugs #Drug Trafficking #Abu Dhabi