യുഎഇ എമിറേറ്റുകളിലെ പെരുന്നാൾ നമസ്കാര സമയം പ്രഖ്യാപിച്ചു

ദുബായ്: (gcc.truevisionnews.com) യുഎഇയിൽ ബലിപെരുന്നാൾ ആഘോഷങ്ങൾക്കായുള്ള ഒരുക്കങ്ങൾ പൂർത്തിയായി. നാളെ പുലർച്ചെ സൂര്യോദയത്തിന് തൊട്ടുപിന്നാലെയാണ് വിവിധ എമിറേറ്റുകളിലെ പള്ളികളിലും ഈദ്ഗാഹുകളിലും പെരുന്നാൾ നമസ്‌കാരം നടക്കുക.

പെരുന്നാൾ നമസ്‌കാരത്തിന് വലിയ ജനത്തിരക്ക് പ്രതീക്ഷിക്കുന്നതിനാൽ വിശ്വാസികൾ പുലർച്ചെ 5:30-ഓടെ തന്നെ പള്ളികളിലും ഈദ്ഗാഹുകളിലും എത്തിച്ചേരണമെന്ന് അധികൃതർ നിർദ്ദേശിച്ചിട്ടുണ്ട്. സുഗമമായ ക്രമീകരണങ്ങൾ ഉറപ്പാക്കാൻ എല്ലാവരും നിർദേശങ്ങൾ പാലിക്കണമെന്നും യുഎഇ ഔദ്യോഗിക വൃത്തങ്ങൾ അറിയിച്ചു.

എമിറേറ്റുകളിലെ പെരുന്നാൾ നമസ്‌കാര സമയം

അബുദാബി സിറ്റി: രാവിലെ 5:51

Also read: ഒമാനിൽ ഫുഡ് ഡെലിവറി ബൈക്കുകൾക്ക് പ്രധാന റോഡുകളിൽ പൂർണ വിലക്ക്; മന്ത്രാലയത്തിന്റെ അടിയന്തര ഉത്തരവ്

അൽ ഐൻ: രാവിലെ 5:45

സായിദ് സിറ്റി: രാവിലെ 5:56

ദുബായ്: രാവിലെ 5:47

ഷാർജ: ഷാർജ സിറ്റി, അൽ ഹംരിയ: രാവിലെ 5:45

സെൻട്രൽ റീജിയൻ (അൽ ദൈദ്, അൽ ബതായ, മ്ലെയ്ഹ, അൽ മദാം): രാവിലെ 5:44

Also read: സ്വപ്ന പദ്ധതി ഇത്തിഹാദ് റെയിൽ പാസഞ്ചർ സർവീസ് യാഥാർത്ഥ്യത്തിലേക്ക്....: ജീവനക്കാരുടെ യൂണിഫോം പുറത്തിറക്കി

ഈസ്റ്റേൺ റീജിയൻ (ഖോർഫക്കാൻ, കൽബ, ദിബ്ബ അൽ ഹിസ്ൻ): രാവിലെ 5:42

അജ്മാൻ : രാവിലെ 5:45

ഉം അൽ ഖുവൈൻ: രാവിലെ 5:44

റാസൽഖൈമ: രാവിലെ 5:43

ഫുജൈറ: രാവിലെ 5:43

തക്ബീർ ധ്വനികളോടെ രണ്ട് റക്അത്തുകളായാണ് പെരുന്നാൾ നമസ്‌കാരം നിർവ്വഹിക്കുക. നമസ്‌കാരത്തിന് ശേഷം പരസ്പരം ഈദ് ആശംസകൾ കൈമാറാനും ബന്ധങ്ങൾ പുതുക്കാനും വിശ്വാസികൾ ഒത്തുചേരും. പെരുന്നാൾ നമസ്‌കാരത്തിന് ശേഷമാണ് പ്രവാചകൻ ഇബ്രാഹിമിന്റെ ത്യാഗസ്മരണ പുതുക്കുന്ന ബലി കർമ്മം ആരംഭിക്കുന്നത്. ബലിമൃഗത്തിന്റെ മാംസം കുടുംബാംഗങ്ങൾക്കും അയൽക്കാർക്കും പാവപ്പെട്ടവർക്കുമായി വീതം വെക്കുന്നു.

Also read: ജാഗ്രതാ നിർദേശം....! യുഎഇയിൽ വേനൽച്ചൂട് കടുക്കും, പുറത്തിറങ്ങുന്നവർക്ക് സൂര്യാഘാതത്തിന് സാധ്യത

വീടുകളിലോ, തെരുവുകളിലോ, പൊതുസ്ഥലങ്ങളിലോ വെച്ച് മൃഗങ്ങളെ ബലി കഴിക്കാൻ പാടുള്ളതല്ല. സർക്കാർ അംഗീകരിച്ചിട്ടുള്ള ഔദ്യോഗിക കശാപ്പുശാലകളും സ്മാർട്ട് ആപ്പുകളും മാത്രമേ ബലി കർമ്മങ്ങൾക്കായി പൊതുജനങ്ങൾ ഉപയോഗിക്കാവൂ എന്ന് അധികൃതർ കർശന മുന്നറിയിപ്പ് നൽകിയിട്ടുണ്ട്.

Content Highlight: Content Highlights:-Eid prayer times in UAE announced

#LATEST NEWS #Eid prayer times #UAE