മസ്കത്ത്: ( gcc.truevisionnews.com ) ഒമാനില് ബലി പെരുന്നാളിന് ആറ് ദിവസം പൊതുഅവധി ലഭിക്കാന് സാധ്യത. ഔദ്യോഗിക അവധി ദിനങ്ങള് അടുത്ത ആഴ്ചയിലാണ് തൊഴില് മന്ത്രാലയം പ്രഖ്യാപിക്കുക. അറഫാ ദിനം മിക്കവാറും മേയ് 26 ചൊവ്വാഴ്ച വരാന് സാധ്യതയുള്ളതിനാല്, അന്ന് മുതല് മേയ് 31 ഞായറാഴ്ച വരെ അവധി നീളാനാണ് സാധ്യത. ദുല് ഹജ് മാസപ്പിറവി ദര്ശിക്കുന്നതിനെ അടിസ്ഥാനമാക്കിയായിരിക്കും അന്തിമ തീയതികള് സ്ഥിരീകരിക്കുക.
അവധി നീണ്ടുനില്ക്കുകയാണെങ്കില്, ഒമാനിലെ താമസക്കാര്ക്ക് ആഭ്യന്തരമായും വിദേശത്തേക്കും യാത്രകള് ആസൂത്രണം ചെയ്യാന് ഇത് സഹായകമാകും. ബലി പെരുന്നാളിന് ഒമാനിലെ തീരദേശ മേഖലകളിലും പര്വതപ്രദേശങ്ങളിലുമുള്ള വിനോദസഞ്ചാര കേന്ദ്രങ്ങളില് വലിയ തിരക്ക് അനുഭവപ്പെടാറുണ്ട്. ഇസ്ലാമിക കലണ്ടര് പ്രകാരമുള്ള തീയതികള് സ്ഥിരീകരിച്ച ശേഷം തൊഴില് മന്ത്രാലയം അവധി സംബന്ധിച്ച് ഔദ്യോഗിക വിജ്ഞാപനം പുറപ്പെടുവിക്കും.
Eid alAdha long holiday likely in Oman
