മസ്കത്ത്: (gcc.truevisionnews.com) മേഖലയിലെ സാഹചര്യങ്ങളിൽ വിമാന സർവീസുകളിലെ തടസ്സങ്ങൾ മൂലം യാത്ര മുടങ്ങിയവർക്ക് സൗജന്യ റീബുക്കിങ്ങും പൂർണ്ണ റീഫണ്ടുകളും പ്രഖ്യാപിച്ച് സലാം എയർ അറിയിച്ചു. മാർച്ച് 10 വരെയാണ് ഇതിന് സമയം അനുവദിച്ചിരിക്കുന്നത്.
തടസ്സപ്പെട്ട റൂട്ടുകളിലെ യാത്രക്കാർക്ക് 2026 ഏപ്രിൽ 30 വരെ ഷെഡ്യൂൾ ചെയ്തിരിക്കുന്ന വിമാനങ്ങൾക്ക് ഒറ്റത്തവണ സൗജന്യ റീബുക്കിങ്ങിന് അർഹതയുണ്ട്. യാത്രക്കാർക്ക് യഥാർഥ പേയ്മെന്റ് രീതിക്ക് പിഴയില്ലാതെ പൂർണ്ണ റീഫണ്ട് ലഭിക്കുന്നതും തിരഞ്ഞെടുക്കാം.
സലാം എയറിന്റെ വെബ്സൈറ്റിലോ മൊബൈൽ ആപ്ലിക്കേഷനിലോ ഉള്ള ‘മാനേജ് ബുക്കിങ്’ വിഭാഗം വഴി ഉപഭോക്താക്കൾക്ക് അവരുടെ ബുക്കിംഗുകൾ പരിഷ്കരിക്കാൻ കഴിയും. ട്രാവൽ ഏജൻസികൾ വഴി ബുക്ക് ചെയ്തവർ സഹായത്തിനായി അവരുടെ ഏജന്റുമാരെ നേരിട്ട് ബന്ധപ്പെടാനും സലാം എയർ നിർദ്ദേശിക്കുന്നു.
Salam Air announces free rebooking and refunds for cancelled flights
_(8).jpeg)
