റിയാദ്: പശ്ചിമേഷ്യയിലെ നിലവിലെ അസ്ഥിരമായ സാഹചര്യം കണക്കിലെടുത്ത് ആറ് അന്താരാഷ്ട്ര ലക്ഷ്യസ്ഥാനങ്ങളിലേക്കുള്ള വിമാന സർവീസുകളുടെ താൽക്കാലിക നിയന്ത്രണം സൗദി എയർലൈനായ ഫ്ലൈനാസ് നീട്ടി. യുഎഇ, ഖത്തർ, കുവൈത്ത്, ബഹ്റൈൻ, ഇറാഖ്, സിറിയ എന്നീ രാജ്യങ്ങളിലേക്കുള്ള വിമാനങ്ങളാണ് നിലവിൽ മാർച്ച് 9 വരെ റദ്ദാക്കിയിരിക്കുന്നത്. മേഖലയിലെ സുരക്ഷാ സാഹചര്യങ്ങൾ അധികൃതരുമായി ചേർന്ന് കമ്പനി സൂക്ഷ്മമായി നിരീക്ഷിച്ചു വരികയാണെന്നും അധികൃതർ അറിയിച്ചു.
യാത്രക്കാർ വിമാനത്താവളത്തിലേക്ക് തിരിക്കുന്നതിന് മുൻപായി ഫ്ലൈനാസിന്റെ ഔദ്യോഗിക വെബ്സൈറ്റ് വഴി തങ്ങളുടെ വിമാനങ്ങളുടെ തത്സമയ വിവരങ്ങൾ (Status) പരിശോധിക്കണമെന്ന് കമ്പനി നിർദ്ദേശിച്ചു. കൂടുതൽ വ്യക്തതയ്ക്കും സഹായങ്ങൾക്കുമായി യാത്രക്കാർക്ക് ഫ്ലൈനാസിന്റെ കസ്റ്റമർ സർവീസ് സെന്ററുമായോ ഔദ്യോഗിക സോഷ്യൽ മീഡിയ പ്ലാറ്റ്ഫോമുകൾ വഴിയോ ബന്ധപ്പെടാവുന്നതാണ്. സർവീസുകൾ പുനരാരംഭിക്കുന്നത് സംബന്ധിച്ച കൃത്യമായ വിവരങ്ങൾ വരും ദിവസങ്ങളിൽ അറിയിക്കുമെന്നും വിമാനക്കമ്പനി വ്യക്തമാക്കി.
Flynas suspends flights to six countries; restrictions extended until March 9
