റിയാദ്: [gcc.truevisionnews.com] സൗദി അറേബ്യയുടെ ചരിത്രപരമായ സ്ഥാപക ദിനം പ്രമാണിച്ച് ഫെബ്രുവരി 22-ന് രാജ്യവ്യാപകമായി പൊതുഅവധി പ്രഖ്യാപിച്ചു. ഞായറാഴ്ച വരുന്ന അവധി രാജ്യത്തെ സർക്കാർ ഓഫീസുകൾക്കും സ്വകാര്യ കമ്പനികൾക്കും ലാഭേച്ഛയില്ലാതെ പ്രവർത്തിക്കുന്ന സ്ഥാപനങ്ങൾക്കും ബാധകമാണെന്ന് മാനവശേഷി-സാമൂഹിക വികസന മന്ത്രാലയം അറിയിച്ചു.
വാരാന്ത്യ അവധിയോട് ചേർന്ന് വരുന്നതിനാൽ പ്രവാസികൾ ഉൾപ്പെടെയുള്ളവർക്ക് ഈ ആഘോഷദിനം ഒരു മിനി വെക്കേഷനായി മാറും. 1727-ൽ ഇമാം മുഹമ്മദ് ബിൻ സഊദ് ആദ്യ സൗദി ഭരണകൂടത്തിന് അടിത്തറയിട്ടതിന്റെ ഓർമ്മ പുതുക്കുന്നതിനാണ് എല്ലാ വർഷവും ഫെബ്രുവരി 22 ഔദ്യോഗികമായി ആഘോഷിക്കുന്നത്.
രാജ്യത്തിന്റെ പൈതൃകവും ചരിത്രവും വിളിച്ചോതുന്ന വിവിധ പരിപാടികളാണ് ഈ ദിനത്തോടനുബന്ധിച്ച് സൗദിയിലുടനീളം സംഘടിപ്പിക്കാറുള്ളത്.
Public holiday on February 22nd
