രാജ്യത്ത് ശൈത്യം കടുക്കുന്നു; വരും ദിവസങ്ങളിൽ ഇടിമിന്നലോടു കൂടിയ മഴയ്ക്ക് സാധ്യത

കു​വൈ​ത്ത് സി​റ്റി: ( gcc.truevisionnews.com ) രാജ്യത്ത് ശൈത്യം ശക്തമാകുന്നതിനിടെ മഴയ്ക്കും സാധ്യതയുള്ളതായി കാലാവസ്ഥാ വകുപ്പിന്റെ മുന്നറിയിപ്പ്. വ്യാഴാഴ്ച രാവിലെ മുതൽ ആരംഭിക്കുന്ന നേരിയ മഴ ഞായറാഴ്ച വരെ തുടരാനാണ് സാധ്യത. വെള്ളിയാഴ്ച മിതമായ മഴയും, ശനിയാഴ്ചയും ഞായറാഴ്ചയും മഴയ്‌ക്കൊപ്പം ശക്തമായ ഇടിമിന്നലും ഉണ്ടാകുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു..

ശ​നി​യാ​ഴ്ച മ​ണി​ക്കൂ​റി​ൽ 15 മു​ത​ൽ 50 കി​ലോ​മീ​റ്റ​ർ വ​രെ വേ​ഗ​ത​യി​ൽ വീ​ശും. ഇ​ത് ക​ട​ൽ തി​ര​മാ​ല​ക​ൾ ആ​റ് അ​ടി​യി​ൽ കൂ​ടു​ത​ൽ ഉ​യ​രാ​ൻ കാ​ര​ണ​മാ​കും. ഞാ​യ​റാ​ഴ്ച പു​ല​ർ​ച്ചെ മു​ത​ൽ കാ​ലാ​വ​സ്ഥ അ​സ്ഥി​ര​മാ​യി​രി​ക്കും. വ​ട​ക്കു​പ​ടി​ഞ്ഞാ​റ​ൻ കാ​റ്റ് മി​ത​മാ​യ​തോ വേ​ഗ​ത​യു​ള്ള​തോ ആ​യ നി​ല​യി​ൽ തു​ട​രും. ഇ​ട​ക്കി​ടെ ശ​ക്ത​മാ​കു​ന്ന കാ​റ്റ് മ​ണി​ക്കൂ​റി​ൽ 25 മു​ത​ൽ 65 കി​ലോ​മീ​റ്റ​ർ വ​രെ വേ​ഗ​ത​യി​ലും വീ​ശാ​ൻ സാ​ധ്യ​ത​യു​ണ്ട്. കാ​റ്റ് ദി​വ​സം മു​ഴു​വ​ൻ പൊ​ടി​പ​ട​ല​ങ്ങ​ൾ സൃ​ഷ്ടി​ക്കു​ന്ന​തി​നും തി​ര​ശ്ചീ​ന ദൃ​ശ്യ​പ​ര​ത കു​റ​യു​ന്ന​തി​നും കാ​ര​ണ​മാ​കും

ഞാ​യ​റാ​ഴ്ച ഉ​ച്ച​യോ​ടെ മ​ഴ​ക്കു​ള്ള സാ​ധ്യ​ത ക്ര​മേ​ണ കു​റ​യും. മ​ഴ മാ​റു​ന്ന​തോ​ടെ ഞാ​യ​റാ​ഴ്ച മു​ത​ൽ ത​ണു​പ്പി​ന്റെ കാ​ഠി​ന്യം വ​ർ​ധി​ക്കു​മെ​ന്നാ​ണ് സൂ​ച​ന. നി​ല​വി​ൽ ശൈ​ത്യ​കാ​ല​ത്തി​ന്റെ ഉ​യ​ർ​ന്ന ഘ​ട്ട​മാ​യ ‘ഷ​ബാ​ത്ത്’ സീ​സ​ണി​ലാ​ണ് രാ​ജ്യം. 26 ദി​വ​സം നീ​ളു​ന്ന ഈ ​ഘ​ട്ട​ത്തി​ന്റെ ഭാ​ഗ​മാ​യി ദി​വ​സ​ങ്ങ​ളാ​യി ക​ടു​ത്ത ത​ണു​പ്പാ​ണ് അ​നു​ഭ​വ​പ്പെ​ടു​ന്ന​ത്. ശ​നി​യാ​ഴ്ച മു​ത​ൽ എ​ട്ട് രാ​ത്രി​ക​ൾ നീ​ണ്ടു​നി​ൽ​ക്കു​ന്ന കൊ​ടും ത​ണു​പ്പി​ന്റെ ‘അ​ൽ-​അ​സി​റാ​ഖ്’ ഘ​ട്ട​വും വ​ന്നെ​ത്തും. ഈ ​ഘ​ട്ട​ത്തി​ൽ താ​പ​നി​ല ഗ​ണ്യ​മാ​യി കു​റ​യു​ക​യും ത​ണു​ത്ത വ​ട​ക്ക​ൻ കാ​റ്റ് ശ​ക്ത​മാ​കു​ക​യും ചെ​യ്യും. രാ​ജ്യ​ത്ത് വ​ർ​ഷ​ത്തി​ലെ ഏ​റ്റ​വും കു​റ​ഞ്ഞ താ​പ​നി​ല അ​നു​ഭ​വ​പ്പെ​ടു​ന്ന സ​മ​യ​മാ​ണി​ത്.

Also read: കാമുകിയുടെ മൃതദേഹം സ്യൂട്ട്കേസിലാക്കി വിദേശത്തേക്കു കടത്താൻ ശ്രമം; പ്രതിക്ക് വധശിക്ഷ

Winter is approaching in the country; Chance of rain with thunderstorms in the coming days