---
title: "മെത്താംഫെറ്റാമൈനും ഹാഷിഷും കഞ്ചാവുമടക്കം ശതകോടികൾ വിലയുള്ള മയക്കുമരുന്ന്, ഒൻപത് വിദേശികൾ കുവൈത്തിൽ പിടിയിൽ"
english_title: "Nine foreigners arrested in Kuwait with drugs worth billions including methamphetamine hashish and cannabis"
publisher: "gccnews.in"
canonical_url: "https://gcc.truevisionnews.com/news/330049/nine-foreigners-arrested-in-kuwait-with-drugs-worth-billions-including-methamphetamine-hashish-and-cannabis"
published_at: "2025-12-08T15:06:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69369c679a514_arrest.jpg"
keywords: []
---

# മെത്താംഫെറ്റാമൈനും ഹാഷിഷും കഞ്ചാവുമടക്കം ശതകോടികൾ വിലയുള്ള മയക്കുമരുന്ന്, ഒൻപത് വിദേശികൾ കുവൈത്തിൽ പിടിയിൽ

> **Lead Summary:** **കുവൈത്ത് സിറ്റി: ** വിവിധ സ്ഥലങ്ങളിൽ നടത്തിയ സുരക്ഷാ ഓപ്പറേഷനുകളിൽ മയക്കുമരുന്നുകളും സൈക്കോട്രോപിക് ലഹരിവസ്തുക്കളുമായി ഒമ്പത് വിദേശികളെ അറസ്റ്റ് ചെയ്തതായി കുവൈത്ത് ആഭ്യന്തര മന്ത്രാലയം ഞായറാഴ്ച അറിയിച്ചു.

## Article Content

**കുവൈത്ത് സിറ്റി: ** വിവിധ സ്ഥലങ്ങളിൽ നടത്തിയ സുരക്ഷാ ഓപ്പറേഷനുകളിൽ മയക്കുമരുന്നുകളും സൈക്കോട്രോപിക് ലഹരിവസ്തുക്കളുമായി ഒമ്പത് വിദേശികളെ അറസ്റ്റ് ചെയ്തതായി കുവൈത്ത് ആഭ്യന്തര മന്ത്രാലയം ഞായറാഴ്ച അറിയിച്ചു.

മയക്കുമരുന്ന് വിരുദ്ധ ജനറൽ ഡിപ്പാർട്ട്‌മെന്‍റും അൽ-അഹ്മദി ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെന്‍റും ചേർന്ന് നടത്തിയ പരിശോധനകളിലും റെയ്ഡുകളിലും വൻതോതിലുള്ള ലഹരി ശേഖരം പിടിച്ചെടുത്തു. ഏകദേശം 341 ഗ്രാം മെത്താംഫെറ്റാമൈൻ (ഷാബു), ഏകദേശം 9,000 ലിറിക്ക ഗുളികകൾ, ഏകദേശം 3,000 കാപ്റ്റഗൺ ഗുളികകൾ, ഏകദേശം 6 കിലോഗ്രാം രാസ മരുന്നുകൾ, ഏകദേശം 3.25 കിലോഗ്രാം കഞ്ചാവ്, ഏകദേശം 20 ഗ്രാം ഹെറോയിൻ, 75 ഗ്രാം ഹാഷിഷ്, ഇലക്ട്രോണിക് സിഗരറ്റുകൾക്കായി ഉപയോഗിക്കുന്ന അഞ്ച് കുപ്പികളിലായി ഹാഷിഷ് ഓയിൽ, മയക്കുമരുന്ന് തൂക്കി നോക്കാൻ ഉപയോഗിക്കുന്ന മൂന്ന് അളവ് യന്ത്രങ്ങൾ എന്നിവയാണ് പിടിച്ചെടുത്തത്.

കൂടാതെ, മയക്കുമരുന്ന് കടത്തിലൂടെ ലഭിച്ചതെന്ന് സംശയിക്കുന്ന 400 കുവൈത്തി ദിനാറും അധികൃതർ പിടിച്ചെടുത്തു. അറസ്റ്റ് ചെയ്ത എല്ലാ പ്രതികളെയും പിടിച്ചെടുത്ത വസ്തുക്കളും തുടർ നടപടികൾക്കായി ബന്ധപ്പെട്ട അധികൃതർക്ക് കൈമാറി.

### Related Links & Sources
- [Original Story Source](https://gcc.truevisionnews.com/news/330049/nine-foreigners-arrested-in-kuwait-with-drugs-worth-billions-including-methamphetamine-hashish-and-cannabis)