---
title: "റാസൽഖൈമയിലെ ഓൾഡ് കോർണിഷിൽ രണ്ട് കുട്ടികൾ കടലിൽ മുങ്ങിമരിച്ചു"
english_title: "Two children drown in the sea at Old Corniche Ras Al Khaimah"
publisher: "gccnews.in"
canonical_url: "https://gcc.truevisionnews.com/news/326906/two-children-drown-in-the-sea-at-old-corniche-ras-al-khaimah"
published_at: "2025-11-20T13:29:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/691ecb03dc91a_drowned.jpg"
keywords: []
---

# റാസൽഖൈമയിലെ ഓൾഡ് കോർണിഷിൽ രണ്ട് കുട്ടികൾ കടലിൽ മുങ്ങിമരിച്ചു

> **Lead Summary:** **റാസൽഖൈമ: [ ** കഴിഞ്ഞ ശനിയാഴ്ച റാസൽഖൈമയിലെ ഓൾഡ് കോർണിഷ് ബീച്ചിൽ 12 വയസ്സുള്ള രണ്ട് പാകിസ്ഥാൻ ബാലന്മാർ മുങ്ങിമരിച്ചു. മുങ്ങിമരിച്ച കുട്ടികളിൽ ഒരാളുടെ സഹോദരനെ സ്ഥലത്തുണ്ടായിരുന്ന ഈജിപ്ഷ്യൻ യുവാവ് രക്ഷപ്പെടുത്തിയിരുന്നു.

## Article Content

**റാസൽഖൈമ: [ ** കഴിഞ്ഞ ശനിയാഴ്ച റാസൽഖൈമയിലെ ഓൾഡ് കോർണിഷ് ബീച്ചിൽ 12 വയസ്സുള്ള രണ്ട് പാകിസ്ഥാൻ ബാലന്മാർ മുങ്ങിമരിച്ചു. മുങ്ങിമരിച്ച കുട്ടികളിൽ ഒരാളുടെ സഹോദരനെ സ്ഥലത്തുണ്ടായിരുന്ന ഈജിപ്ഷ്യൻ യുവാവ് രക്ഷപ്പെടുത്തിയിരുന്നു.

ഉമർ ആസിഫ്, സുഹൃത്ത് ഹമ്മദ് ആസിഫ് എന്നിവരാണ് മുങ്ങിമരിച്ചത്. കുട്ടികൾ കുടുംബാംഗങ്ങളെ അറിയിക്കാതെയാണ് കടലിൽ പോയതെന്ന് ഒമർ ആസിഫിന്റെ പിതാവ് മുഹമ്മദ് ആസിഫ് വ്യക്തമാക്കി.

22 വർഷമായി യുഎഇയിൽ താമസിക്കുന്ന മുഹമ്മദ് ആസിഫിന് ഉമറിനെ കൂടാതെ ഒമ്പത് വയസ്സുള്ള ഒരു മകൻ കൂടിയുണ്ട്. അപകടത്തിൽ നിന്ന് രക്ഷപ്പെട്ടത് ഇളയ മകനാണ്. റാസൽ ഖൈമയിലെ ഡെഹാൻ പരിസരത്ത് മൊബൈൽ ഫോൺ കട നടത്തുകയാണ് ആസിഫ്.

ഉമർ ബീച്ചിൽ പോകുന്നത് രണ്ടാമത്തെ തവണ മാത്രമായിരുന്നു, അന്നും അവന് നീന്താൻ അറിയില്ലായിരുന്നു. മകൻ‍ കടലിൽ മുങ്ങുമോ എന്ന് ഭയന്ന് കടലിൽ പോകട്ടേയെന്ന് അവൻ ചോദിക്കുമ്പോഴെല്ലാം താൻ ആ ആവശ്യം നിരസിക്കുകയാണ് പതിവെന്ന് അദ്ദേഹം പറഞ്ഞു.

അപകടം നടന്ന ദിവസം വൈകുന്നേരം 5 മണിയോടെ ഓൾഡ് കോർണിഷിൽ കടയുടെ അടുത്തുള്ള ബീച്ചിന് സമീപമാണ് സംഭവം. ഉമറിന്റെ വാട്ട്‌സ്ആപ്പിലെ ലാസ്റ്റ് സീൻ വൈകുന്നേരം 4.13-നാണ് രേഖപ്പെടുത്തിയിരിക്കുന്നത്. കടയിൽ നിന്ന് ഏകദേശം 100 മീറ്റർ അകലെയുള്ള ഒരു അബായ സ്റ്റോറിലെ സിസിടിവി ദൃശ്യങ്ങളിൽ വൈകുന്നേരം 4.28-ന് തെരുവിലൂടെ നടന്നുപോകുന്ന മൂന്ന് കുട്ടികളുടെ ദൃശ്യങ്ങൾ പതിഞ്ഞിട്ടുണ്ട്.

തന്റെ മകനും സുഹൃത്തും മുങ്ങിമരിച്ച വിവരം കടയിലെ ഒരു അയൽക്കാരനാണ് ആസിഫിനെ അറിയിച്ചത്. ഉടൻ തന്നെ ആശുപത്രിയിലെത്തിയെങ്കിലും മകനെ രക്ഷിക്കാനായില്ല. ഉമറിന്റെ മൃതദേഹം ശനിയാഴ്ച വൈകുന്നേരം 6 മണിയോടെയും, ഹമ്മദിന്റെ മൃതദേഹം ഞായറാഴ്ച രാവിലെ 8 മണിയോടെയുമാണ് കണ്ടെടുത്തത്.

### Related Links & Sources
- [Original Story Source](https://gcc.truevisionnews.com/news/326906/two-children-drown-in-the-sea-at-old-corniche-ras-al-khaimah)