അപ്പൊ എങ്ങനാ....പോവാലേ? മഴക്കാലം ആസ്വദിക്കാൻ വേഗം വിട്ടോ, പാ​റ​ക്കൂ​ട്ട​ങ്ങ​ൾ​ക്കി​ട​യി​ൽ നി​ന്ന്​ തു​ള​ച്ചി​റ​ങ്ങുന്ന ഞ​ണ്ടി​റു​ക്കി വെ​ള്ള​ച്ചാ​ട്ടം കാണാൻ

(truevisionnews.com)മഴക്കാലത്തെ ആസ്വദിക്കണമെങ്കിൽ വീട്ടിൽ ഇരുന്നാൽ പോരാ... ഒന്ന് പുറത്തിറങ്ങിയാൽ മതി. യാത്ര ഇഷ്ടപ്പെടുന്നവരാണ് നിങ്ങളെങ്കിൽ മഴക്കാലത്തു തന്നെ പോയി നോക്കാം. നല്ല കുത്തിയൊലിക്കുന്ന വെള്ളച്ചാട്ടം കാണാൻ തയറാണോ? എങ്കിൽ സഞ്ചാരികളെ കാത്ത് പൂ​മലയിലെ ഞ​ണ്ടി​റു​ക്കി വെ​ള്ള​ച്ചാ​ട്ടം തലയെടുപ്പോടെ കാത്തിരിക്കുന്നുണ്ട്.

ഒരു പ്രാവശ്യം പോയാൽ തന്നെ ഏതൊരാളുടെയും മനം കവരുന്ന വെള്ളച്ചാട്ടമാണ് ഞ​ണ്ടി​റു​ക്കി വെ​ള്ള​ച്ചാ​ട്ടം. തൊ​ടു​പു​ഴ​യി​ല്‍ നി​ന്നും 19 കി​ലോ​മീ​റ്റ​ര്‍ അ​ക​ലെ​യു​ള്ള പൂ​മാ​ല​യി​ലെ​ത്തി​യാ​ല്‍ ന​ട​ന്നെ​ത്താ​വു​ന്ന ദൂ​ര​ത്തി​ലാ​ണ് വെ​ള്ള​ച്ചാ​ട്ടം. തൊ​ടു​പു​ഴ​യി​ല്‍ നി​ന്നും വ​രു​മ്പോ​ള്‍ പൂ​മാ​ല സ്വാ​മി​ക്ക​വ​ല ജ​ങ്​​​ഷ​നും ക​ട​ന്ന് ഒ​രു കി​ലോ​മീ​റ്റ​ര്‍ പി​ന്നി​ടു​മ്പോ​ള്‍ ഗ​വ​ണ്‍മെ​ന്റ് ട്രൈ​ബ​ല്‍ സ്‌​കൂ​ള്‍ ക​വ​ല​യി​ലെ​ത്തും.ഇ​വി​ടെ വ​രെ​യാ​ണ് സാ​ധാ​ര​ണ തൊ​ടു​പു​ഴ - പൂ​മാ​ല സ​ര്‍വീ​സ് ന​ട​ത്തു​ന്ന ബ​സു​ക​ള്‍ ഉ​ണ്ടാ​വു​ക. ബ​സ്സി​റ​ങ്ങി താ​ഴേ​ക്കു​ള്ള റോ​ഡി​ലൂ​ടെ 500 മീ​റ്റ​ർ പോ​യാ​ല്‍ വെ​ള്ള​ച്ചാ​ട്ട​ത്തി​ന്റെ താ​ഴെ നി​ന്നു​ള്ള ഭം​ഗി ആ​സ്വ​ദി​ക്കാം.

Also read: ഹൃദയാഘാതം; പ്രവാസി മലയാളി ജിദ്ദയിൽ മരിച്ചു

പാ​റ​ക്കൂ​ട്ട​ങ്ങ​ൾ​ക്കി​ട​യി​ൽ നി​ന്ന്​ തു​ള​ച്ചി​റ​ങ്ങുന്ന വെള്ളം താ​​ഴെ എ​ത്തു​മ്പോൾ ചെ​റു ചാ​ലാ​യി ഒ​ഴു​കി തോ​ടാ​യി മാറും. ഇത് മെ​ല്ലെ വീ​ണ്ടും പാ​റ​ക്കൂ​ട്ട​ങ്ങ​ൾ​ക്കി​ട​യി​ലേ​ക്ക്​. വെ​ള്ളം ഒ​ഴു​കി​യെ​ത്തു​ന്ന പാ​റ​ക്കൂ​ട്ട​ങ്ങ​ളു​ടെ ഇ​ട​തു​വ​ശ​ത്തു​കൂ​ടി മു​ക​ളി​ലേ​ക്ക് ക​യ​റാ​ന്‍ പ​ടി​ക​ളു​മു​ണ്ട്. പ​ടി​ക​ള്‍ ക​യ​റി 400 മീ​റ്റ​റോ​ളം മു​ക​ളി​ലേ​ക്ക് ന​ട​ന്നാ​ല്‍ ചെ​ങ്കു​ത്താ​യി വെ​ള്ളം പ​തി​ക്കു​ന്ന​തി​നു ചു​വ​ട്ടി​ലെ​ത്താം.

മ​ല​മു​ക​ളി​ല്‍ നി​ന്നും ഒ​ഴു​കി​യെ​ത്തു​ന്ന വെ​ള്ളം പാ​റ​ക്കെ​ട്ടു​ക​ള്‍ക്കി​ട​യി​ലൂ​ടെ ത​ട്ടി​ത്തെ​റി​ച്ച് 200 അ​ടി​യോ​ളം താ​ഴെ​ക്ക് പ​തി​ക്കു​ന്ന​ത്​ മ​നോ​ഹ​ര കാ​ഴ്​​ച​യാ​ണ്. വ്യൂ​പോ​യി​ന്റി​ല്‍ നി​ന്നാ​ല്‍ വെ​ള്ളി​യാ​മ​റ്റം പ​ഞ്ചാ​യ​ത്തി​ലെ മി​ക്ക സ്ഥ​ല​ങ്ങ​ളും ദൃ​ശ്യ​മാ​ണ്. കാ​ഴ്ച ക​ണ്ടി​റ​ങ്ങി​യ ശേ​ഷം വെ​ള്ള​ച്ചാ​ട്ട​ത്തി​നു താ​ഴെ നി​ന്ന് കു​ളി​ക്കു​ക​യും ചെ​യ്യാം. ചെ​റി​യ ഒ​ന്നോ ര​ണ്ടോ വാ​ഹ​ന​ങ്ങ​ള്‍ക്കു മാ​ത്ര​മേ വെ​ള്ള​ച്ചാ​ട്ട​ത്തി​ലേ​ക്കു​ള്ള ന​ട​പ്പാ​ത​ക്ക് മു​മ്പി​ല്‍ പാ​ര്‍ക്കു​ചെ​യ്യാ​ന്‍ സൗ​ക​ര്യ​മു​ള്ളു. വെ​ള്ള​ച്ചാ​ട്ട​ത്തി​ല്‍ എ​ത്തി​ച്ചേ​രാ​ന്‍ ഏ​റ്റ​വും അ​നു​യോ​ജ്യ​മാ​യ സ​മ​യം മ​ഴ​ക്കാ​ലം ത​ന്നെ​യാ​ണ്.

മ​ഴ​യെ ഇ​ഷ്ട​പ്പെ​ടു​ന്ന​വ​ര്‍ക്ക് ഏ​റെ ഇ​ഷ്ട​മാ​കു​ന്ന സ്ഥ​ല​മാ​ണി​ത്. വെ​ള്ള​ച്ചാ​ട്ട​ത്തി​ന​രി​കി​ൽ നി​ന്നാ​ൽ മ​തി കാ​റ്റ്​ ന​മ്മ​ളെ കു​ളി​പ്പി​ച്ചെ​ടു​ക്കും. ന​യന മ​നോ​ഹ​ര​മാ​യ ഞ​ണ്ടി​റു​ക്കി വെ​ള്ള​ച്ചാ​ട്ട​ത്തി​നു സ​മീ​പം അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​ണ്. വെ​ള്ള​ച്ചാ​ട്ട​ത്തി​നു സ​മീ​പ​ത്തേ​ക്കു​ള്ള ക​യ​റ്റ​ത്തി​ൽ കു​റ​ച്ചു ഭാ​ഗ​ത്തു​മാ​ത്ര​മാ​ണ് പ​ടി​ക​ളും കൈ​വ​രി​യു​മു​ള്ള​ത്. ഇ​തു​ക​ഴി​ഞ്ഞാ​ൽ തെ​ന്നു​ന്ന പാ​റ​ക​ളി​ൽ കൂ​ടി​വേ​ണം വെ​ള്ള​ച്ചാ​ട്ട​ത്തി​നു മു​ക​ളി​ലെ​ത്താ​ൻ. ഇ​വി​ടെ ഏ​റെ ശ്ര​ദ്ധി​ച്ച് ക​യ​റ​ണം. കയറുമ്പോൾ തന്നെ ആസ്വദിച്ച കയറാവുന്നതാണ്. എങ്കിൽ സമയം കളയാതെ വിട്ടോ.. പൂ​മലയിലെ ഞ​ണ്ടി​റു​ക്കി വെ​ള്ള​ച്ചാ​ട്ടം കാണാൻ 

Also read: ഓ​ണ്‍-​ടൈം പെ​ര്‍ഫോ​മ​ന്‍സ് 88 ശ​ത​മാ​നം; നേ​ട്ട​വു​മാ​യി സ​ലാം എ​യ​ര്‍

enjoy the rainy season to see the njendirukki waterfalls thodupuzha