ഒമാനിൽ വാണിജ്യ സ്ഥാപനങ്ങളിൽ മോഷണവും അക്രമവും; രണ്ട് അറബ് പൗരന്മാർ പിടിയിൽ

മസ്കത്ത്: (https://gcc.truevisionnews.com/) മസ്കത്ത്, തെക്കൻ ബാത്തിന ഗവർണറേറ്റുകളിൽ വിവിധ വാണിജ്യ സ്ഥാപനങ്ങളിലും കമ്പനികളിലും അതിക്രമിച്ചുകയറി മോഷണം നടത്തുകയും നാശനഷ്ടങ്ങൾ വരുത്തുകയും ചെയ്ത സംഭവത്തിൽ രണ്ട് അറബ് പൗരന്മാരെ റോയൽ ഒമാൻ പൊലീസ് (ആർ.ഒ.പി) അറസ്റ്റ് ചെയ്തു.

മസ്കത്ത് ഗവർണറേറ്റ് പൊലീസ് കമാൻഡിന്റെ നേതൃത്വത്തിലാണ് പ്രതികളെ പിടികൂടിയത്. ഇരു ഗവർണറേറ്റുകളിലുമുള്ള നിരവധി വ്യാപാര സ്ഥാപനങ്ങൾ കേന്ദ്രീകരിച്ച് ഇവർ അക്രമപ്രവർത്തനങ്ങളും മോഷണവും നടത്തിയതായി പൊലിസ് സ്ഥിരീകരിച്ചു. അറസ്റ്റിലായ വിദേശികൾക്കെതിരെ നിയമനടപടികൾ പൂർത്തിയാക്കി വരികയാണെന്ന് ആർ.ഒ.പി അറിയിച്ചു.

പ്രതികൾ സ്ഥാപനങ്ങളുടെ വാതിലുകളും ജനലുകളും തകർത്താണ് അകത്തുകടന്നത്. പണവും വിലയേറിയ സാധനങ്ങളും കവർന്നതിന് പുറമെ സ്ഥാപനങ്ങൾക്ക് വലിയ നാശനഷ്ടവും വരുത്തി. പരാതികളെ തുടർന്ന് നടത്തിയ സിസിടിവി പരിശോധനയും രഹസ്യാന്വേഷണവും വഴിയാണ് പ്രതികളെ തിരിച്ചറിയാൻ സാധിച്ചത്.

Content Highlight: Two Arab Nationals Arrested In Oman For Burglary And Vandalism In Muscat

#Royal Oman Police #Oman News #South Batinah #Burglary #Arab Nationals Arrest #GCC News