കുവൈത്ത്സിറ്റി: (gcc.truevisionnews.com) കുവൈത്തിലെ സാമൂഹിക-സാംസ്കാരിക രംഗത്തെ സജീവ സാന്നിധ്യമായിരുന്ന ചെങ്ങന്നൂർ വെന്മിണി നാടാവള്ളിൽ വില്ലയിൽ രാജൻ ഡാനിയേൽ (78) അന്തരിച്ചു. വാർധക്യസഹജമായ അസുഖങ്ങളെത്തുടർന്ന് നാട്ടിലായിരുന്നു അന്ത്യം. എട്ടു വർഷം മുമ്പാണ് അദ്ദേഹം പ്രവാസം അവസാനിപ്പിച്ചു നാട്ടിലേക്ക് മടങ്ങിയത്.
ഇന്ത്യന് കമ്യൂണിറ്റി സ്കൂള് (ഐ.സി.എസ്.കെ) ബോര്ഡ് മുന് സെക്രട്ടറിയും വൈസ് ചെയര്മാനും വെൺമണി പ്രവാസി അസോസിയേഷൻ രക്ഷാധികാരിയുമായിരുന്നു. ഒ.ഐ.സി.സി രക്ഷാധികാരി, യു.എം.ഒ രക്ഷാധികാരി, കുവൈത്ത് മാർത്തോമാ ഇടവക അംഗം, സെന്റ് തോമസ് മാർത്തോമാ ഇടവക മെമ്പർ, മാർത്തോമാ സഭാ കൗൺസിൽ അംഗം എന്നീ നിലകളിലും സേവനം ചെയ്തിട്ടുണ്ട്. ഭാര്യ: സൂസി രാജൻ. മക്കൾ : അവിനാഷ് (കുവൈത്ത്), അനൂപ് (ആസ്ട്രേലിയ). മരുമക്കൾ: ജീന, മാലിനി.
Expatriate Malayali passes away in his homeland
