റിയാദ്:( gcc.truevisionnews.com ) റമദാൻ പ്രമാണിച്ച് റിയാദ് മെട്രോയുടെയും ബസ് സർവീസിന്റെയും സമയക്രമത്തിൽ മാറ്റം വരുത്തി. രാത്രി വൈകിയും പുലർച്ചെ വരെയും യാത്രക്കാർക്ക് സേവനം ലഭ്യമാകുന്ന രീതിയിലാണ് പുതിയ ക്രമീകരണം.
മെട്രോ ട്രെയിനുകൾ ഞായർ മുതൽ വ്യാഴം വരെ രാവിലെ 8 മണിക്ക് സർവീസ് ആരംഭിച്ച് പുലർച്ചെ 2:30 വരെ തുടരും. വെള്ളിയാഴ്ചകളിൽ രാവിലെ 11 മുതൽ പുലർച്ചെ 3 മണി വരെയും, ശനിയാഴ്ചകളിൽ രാവിലെ 11 മുതൽ പുലർച്ചെ 2:30 വരെയുമാണ് മെട്രോ പ്രവർത്തിക്കുക.
റിയാദ് ബസ് സർവീസുകൾ എല്ലാ ദിവസവും രാവിലെ 5:30 മുതൽ പുലർച്ചെ 3 മണി വരെ ലഭ്യമാകും. ആവശ്യാനുസരണം ലഭ്യമാകുന്ന 'ബസ് ഓൺ ഡിമാൻഡ്' സേവനം സാധാരണ ദിവസങ്ങളിൽ രാവിലെ 7:30-നും വാരാന്ത്യങ്ങളിൽ 10:30-നും ആരംഭിച്ച് പുലർച്ചെ 3 മണി വരെ നീണ്ടുനിൽക്കും.
New timetable for Riyadh Metro service during Ramadan
