---
title: "#accident | സൗദി അസീർ പ്രവിശ്യയിൽ വാഹനാപകടം; മലയാളി യുവാവ്​ മരിച്ചു"
english_title: "#Car #accident #Saudi #Asir #Province #Malayali #youth #died"
publisher: "gccnews.in"
canonical_url: "https://gcc.truevisionnews.com/news/253533/car-accident-saudi-asir-province-malayali-youth-died"
published_at: "2024-12-03T08:57:00+05:30"
category: "News"
language: "ml"
image: "https://gcc.truevisionnews.com/image-uploads/674e7aac02c4a_death.jpg"
keywords: []
---

# #accident | സൗദി അസീർ പ്രവിശ്യയിൽ വാഹനാപകടം; മലയാളി യുവാവ്​ മരിച്ചു

> **Lead Summary:** **അബഹ: **സൗദി തെക്കൻ പ്രവിശ്യയായ അസീറിൽ ഉണ്ടായ വാഹനാപകടത്തിൽ മലയാളി യുവാവ്​ മരിച്ചു.

## Article Content

**അബഹ: **സൗദി തെക്കൻ പ്രവിശ്യയായ അസീറിൽ ഉണ്ടായ വാഹനാപകടത്തിൽ മലയാളി യുവാവ്​ മരിച്ചു.

മലപ്പുറം മൂന്നിയൂർ ആലിൻ ചുവട് സ്വദേശി നരിക്കോട്ട് മേച്ചേരി ഹസ്സൻകുട്ടി ഹാജിയുടെ മകൻ നൂറുദ്ധീൻ (41) ആണ് മരിച്ചത്. ഞായറാഴ്​ച പുലർച്ചെ മൂന്നിന്​ ബിഷയിൽ വെച്ച്​ ഇദ്ദേഹം ഓടിച്ച വാഹനം അപകടത്തിൽ പെടുകയായിരുന്നു.

മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. ഭാര്യ: നഷീദ. മക്കൾ: ആസ്യ, റയ്യാൻ, അയ്‌റ. മാതാവ്: ആയിഷ. സഹോദരങ്ങൾ: ശറഫുദ്ധീൻ (സൗദി), മുഹമ്മദ് ഹനീഫ (അബുദാബി), ഖൈറുന്നീസ, ഹഫ്സത്ത്.

നടപടിക്രമങ്ങൾ പൂർത്തീകരിച്ച്​ മൃതദേഹം നാട്ടിൽ കൊണ്ടുപോകുമെന്ന്​ ഖമീസ് മുശൈത്ത്‌ സെൻട്രൽ കമ്മിറ്റി പ്രസിഡൻറ്​ ബഷീർ മുന്നിയൂർ അറിയിച്ചു.

ബിഷ കെ.എം.സി.സി പ്രസിഡൻറ്​ ഹംസ തൈക്കണ്ടിയാണ് നടപടിക്രമങ്ങൾ പൂർത്തീകരിക്കാനുള്ള പ്രവർത്തനങ്ങൾക്ക് നേതൃത്വം നൽകുന്നത്.

### Related Links & Sources
- [Original Story Source](https://gcc.truevisionnews.com/news/253533/car-accident-saudi-asir-province-malayali-youth-died)