കുവൈത്ത് സിറ്റി: കുവൈത്തിലെ നുഗ്രയിലെ ഒരു അപ്പാർട്ട്മെൻറിൽ യുവതിയുടേതെന്ന് കരുതപ്പെടുന്ന അഴുകിയ മൃതദേഹം കണ്ടെത്തി. ഹവല്ലി ഗവർണറേറ്റിലെ നുഗ്രയിലെ ഒരു അപ്പാർട്ട്മെന്റിൽ മൃതദേഹം കണ്ടെത്തിയതായി ആഭ്യന്തര മന്ത്രാലയത്തിൻറെ ഓപ്പറേഷൻ റൂമിൽ വിവരം ലഭിക്കുകയായിരുന്നു.
തുടർന്ന് സുരക്ഷാ ഉദ്യോഗസ്ഥരും ഡിറ്റക്ടീവുകളും സ്ഥലത്തേക്ക് എത്തി. മൃതദേഹത്തിന് പഴക്കമുണ്ടെന്നും യുവതിയുടേതാണെന്നാണ് പ്രാഥമിക പരിശോധനയിൽ വ്യക്തമാകുന്നതെന്നും സുരക്ഷാ അധികൃതർ പറഞ്ഞു.
കൂടുതൽ പരിശോധനകൾക്കായി മൃതദേഹം ഫോറൻസിക് മെഡിസിൻ വിഭാഗത്തിലേക്ക് കൈമാറി. മരണകാരണം കണ്ടെത്താൻ കേസ് ഫയൽ ചെയ്ത് അന്വേഷണം ആരംഭിച്ചതായും അധികൃതർ വ്യക്തമാക്കി.
#decomposed #body #young #woman #found #apartment #kuwait
_(17).jpeg)
