അബുദാബി: (gcc.truevisionnews.com) ഗൾഫ് രാജ്യങ്ങളില്‍ ഇന്ന് ബലിപെരുന്നാൾ. ബലിപെരുന്നാളിനോട് അനുബന്ധിച്ച് വിവിധ എമിറേറ്റുകളില്‍ സൗജന്യ പാര്‍ക്കിങ് പ്രഖ്യാപിച്ചു. അബുദാബിയില്‍ പാര്‍ക്കിങ്, ടോള്‍ നിരക്കുകള്‍ ഒഴിവാക്കി.
ബലിപെരുന്നാള്‍ അവധി ദിവസങ്ങളില്‍ അബുദാബിയിലെ പാര്‍ക്കിങ്ങും ടോള്‍ നിരക്കും ഒഴിവാക്കി. വ്യാഴാഴ്ച മുതല്‍ ഞായറാഴ്ച വരെയാണ് പാര്‍ക്കിങ് ഫീസ് ഒഴിവാക്കിയിരിക്കുന്നതെന്ന് അബുദാബി മൊബിലിറ്റി അറിയിച്ചു.
തിങ്കളാഴ്ച മുതല്‍ പെയ്ഡ് പാര്‍ക്കിങ് തുടങ്ങും. ദര്‍ബ് റോഡ് ടോള്‍ സംവിധാനവും പെരുന്നാളിനോടനുബന്ധിച്ച് പ്രഖ്യാപിച്ചിരിക്കുന്ന അവധി ദിവസങ്ങളില്‍ പ്രവര്‍ത്തിക്കില്ല. തിങ്കളാഴ്ച മുതല്‍ ടോൾ നിരക്കുകള്‍ പുനസ്ഥാപിക്കും.
ദുബൈയില്‍ ജൂൺ അഞ്ച് മുതല്‍ ജൂൺ എട്ട് വരെ പൊതുസ്ഥലങ്ങളിലെ പാര്‍ക്കിങ് സൗജന്യമാണ്. ദുബൈ റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റിയാണ് ഇക്കാര്യം അറിയിച്ചത്. അവധി ദിവസങ്ങളിലും ബഹുനില പാര്‍ക്കിങ് ടെര്‍മിനലുകളില്‍ പെയ്ഡ് പാര്‍ക്കിങ് ഉണ്ടാകും. ഷാര്‍ജയില്‍ ജൂൺ ആറ് മുതല്‍ ജൂൺ എട്ട് വരെ ബലിപെരുന്നാൾ അവധി ദിവസങ്ങളില്‍ സൗജന്യ പാര്‍ക്കിങ് പ്രഖ്യാപിച്ചിട്ടുണ്ട്.
ഏഴ് ദിവസവും പെയ്ഡ് പാര്‍ക്കിങ് ഉള്ള സോണുകളില്‍ ഈ ഇളവ് ലഭിക്കില്ല. നീല നിറത്തിലുള്ള പാര്‍ക്കിങ് ഇന്‍ഫര്‍മേഷന്‍ സൈനുകളാണ് ഈ സ്ഥലങ്ങളില്‍ സ്ഥാപിച്ചിട്ടുള്ളത്. അജ്മാനില്‍ ജൂൺ അഞ്ച് മുതല്‍ എട്ട് വരെ സൗജന്യ പാര്‍ക്കിങ് പ്രഖ്യാപിച്ചിട്ടുണ്ട്. ജൂൺ 9ന് പാര്‍ക്കിങ് നിരക്കുകള്‍ പുനസ്ഥാപിക്കും.
free parking announced uae eidaladha holiday
