#Amnesty | ര​ണ്ടു​മാ​സ​ത്തെ പൊ​തു​മാ​പ്പ്​; സ്വ​കാ​ര്യ സ്ഥാ​പ​ന​ങ്ങ​ൾക്ക്​ പി​ഴ ഇ​ള​വി​ന്​ അ​പേ​ക്ഷി​ക്കാം

ദു​ബൈ: (gcc.truevisionnews.com)സെ​പ്​​റ്റം​ബ​ർ ഒ​ന്നു​മു​ത​ൽ ഒ​ക്​​ടോ​ബ​ർ 31 വ​രെ യു.​എ.​ഇ സ​ർ​ക്കാ​ർ പ്ര​ഖ്യാ​പി​ച്ച ര​ണ്ടു​മാ​സ​ത്തെ പൊ​തു​മാ​പ്പ്​ കാ​ല​യ​ള​വി​ൽ വി​സ നി​യ​മ​ലം​ഘ​ക​രെ കൂ​ടാ​തെ സ്വ​കാ​ര്യ സ്ഥാ​പ​ന​ങ്ങ​ൾ​ക്കും പി​ഴ ഇ​ള​വി​നാ​യി അ​പേ​ക്ഷ സ​മ​ർ​പ്പി​ക്കാ​മെ​ന്ന്​ മാ​ന​വ വി​ഭ​വ ശേ​ഷി, എ​മി​റ​റ്റൈ​സേ​ഷ​ൻ മ​ന്ത്രാ​ല​യം അ​റി​യി​ച്ചു.

Also read: #death | ഹൃദയാഘാതം; മനാമയിൽ കോഴിക്കോട് വളയം സ്വദേശി ചികിത്സക്കിടെ മരിച്ചു

തൊ​ഴി​ൽ ക​രാ​റു​ക​ൾ മ​ന്ത്രാ​ല​യ​ത്തി​ന്​ സ​മ​ർ​പ്പി​ക്കു​ന്ന​തി​ൽ വീ​ഴ്ച വ​രു​ത്തി​യ​തു​മാ​യി ബ​ന്ധ​പ്പെ​ട്ട​തോ വ​ർ​ക്ക്​ പെ​ർ​മി​റ്റ്​ പു​തു​ക്കു​ന്ന​തു​മാ​യി ബ​ന്ധ​പ്പെ​ട്ട​തോ ആ​യ അ​ഡ്​​മി​നി​സ്ട്രേ​റ്റി​വ്​ ത​ല​ത്തി​ലു​ള്ള പി​ഴ​ത്തു​ക ഒ​ഴി​വാ​ക്കു​ന്ന​തി​നാ​യി ആ​നം​സ്റ്റി സെ​ന്‍റ​റു​ക​ളി​ൽ സ്ഥാ​പ​ന​ങ്ങ​ൾ​ക്ക്​ അ​പേ​ക്ഷ സ​മ​ർ​പ്പി​ക്കാം.

വി​സ നി​യ​മം ലം​ഘി​ച്ച്​ താ​മ​സി​ക്കു​ന്ന തൊ​ഴി​ലാ​ളി​ക​ളു​ടെ സ്റ്റാ​റ്റ​സ്​ നി​യ​മ വി​ധേ​യ​മാ​ക്കു​ന്ന​തി​നും സ്ഥാ​പ​ന​ങ്ങ​ൾ​ക്കു​ള്ള പ്ര​വ​ർ​ത്ത​ന​പ​ര​മാ​യ പി​ഴ​ക​ൾ ഒ​ഴി​വാ​ക്കാ​നും ല​ക്ഷ്യ​മി​ട്ട്​ മ​ന്ത്രാ​യ​ലം പ്ര​ഖ്യാ​പി​ച്ച നാ​ല്​ സേ​വ​ന​ങ്ങ​ളി​ൽ ഒ​ന്നാ​ണി​ത്.

Also read: #biometricregistration | ബയോമെട്രിക് രജിസ്ട്രേഷൻ പൂർത്തിയാക്കി കുവൈത്ത് ഭരണാധികാരി

വ​ർ​ക്ക്​ പെ​ർ​മി​റ്റ്​ ന​ൽ​ക​ൽ, പു​തു​ക്ക​ൽ, റ​ദ്ദാ​ക്ക​ൽ, ഉ​പേ​ക്ഷി​ച്ച കേ​സു​ക​ളി​ലു​ള്ള പ​രാ​തി​ക​ൾ എ​ന്നി​വ​യു​മാ​യി ബ​ന്ധ​പ്പെ​ട്ട സേ​വ​ന​ങ്ങ​ളാ​ണ്​ മ​ന്ത്രാ​ല​യം ന​ൽ​കു​ന്ന​ത്.

കാ​ലാ​വ​ധി​ക​ഴി​ഞ്ഞ വ​ർ​ക്ക് ​പെ​ർ​മി​റ്റോ റ​സി​ഡ​ന്റ്സ് വി​സ​യോ ഉ​ള്ള വ്യ​ക്​​തി​ക​ൾ ഉ​ൾ​പ്പെ​ടെ സ്റ്റാ​റ്റ​സ്​ സെ​റ്റി​ൽ​മെ​ന്‍റി​ന്​ യോ​ഗ്യ​ത​യു​ള്ള​വ​ർ​ക്കും തൊ​ഴി​ൽ ഉ​പേ​ക്ഷി​ക്ക​ൽ പ​രാ​തി​ക​ൾ ഫ​യ​ൽ ചെ​യ്ത ഗാ​ർ​ഹി​ക തൊ​ഴി​ലാ​ളി​ക​ൾ​ക്കും സ്വ​കാ​ര്യ ക​മ്പ​നി ജീ​വ​ന​ക്കാ​ർ​ക്കും ഈ ​സേ​വ​ന​ങ്ങ​ൾ ല​ഭ്യ​മാ​ണ്.

Also read: #Saudicauseway | സൗദി കോസ്​വേയിലൂടെ ദിനംപ്രതി കടന്നുപോകുന്നത് 39,000 വാഹനങ്ങൾ; അവധിദിനങ്ങളിൽ 46,000

നി​യ​മം ലം​ഘി​ച്ച്​ താ​മ​സി​ക്കു​ന്ന​വ​ർ അ​വ​രു​ടെ വി​സ സ്റ്റാ​റ്റ​സ്​ നി​യ​മ​വി​ധേ​യ​മാ​ക്കു​ന്ന​തി​ന്​ ആം​ന​സ്റ്റി സെ​ന്‍റ​റു​ക​ളു​മാ​യി ബ​ന്ധ​പ്പെ​ട​ണ​മെ​ന്ന്​ അ​ധി​കൃ​ത​ർ അ​ഭ്യ​ർ​ഥി​ച്ചു.

ഇ​വ​ർ​ക്ക്​ പി​ഴ ഒ​ഴി​വാ​ക്കി വി​സ നി​യ​മ​വി​ധേ​യ​മാ​ക്കി രാ​ജ്യ​ത്ത്​ തു​ട​രാ​നു​ള്ള അ​വ​സ​ര​മാ​ണി​ത്. നി​യ​മ​പ​ര​മാ​യ ന​ട​പ​ടി​ക​ൾ ഒ​ഴി​വാ​ക്കി രാ​ജ്യം വി​ടാ​നും അ​വ​സ​ര​മു​ണ്ട്.

Also read: #workpermit | നിയന്ത്രണം കടുപ്പിക്കാൻ ബഹ്റൈൻ; സന്ദർശക വീസ വർക്ക് പെർമിറ്റിലേക്ക് മാറ്റുന്നതിന് കർശന വിലക്ക്

mohre.gov.ae എ​ന്ന വെ​ബ്​​സൈ​റ്റ്​ വ​ഴി​യും മ​ന്ത്രാ​ല​യ​ത്തി​ന്‍റെ ആ​പ്​ വ​ഴി​യും അ​പേ​ക്ഷ സ​മ​ർ​പ്പി​ക്കാം. കൂ​ടാ​തെ ബി​സി​ന​സ്​ സെ​ന്‍റ​റു​ക​ൾ, ഗാ​ർ​ഹി​ക തൊ​ഴി​ലാ​ളി​ക​ളു​ടെ സേ​വ​ന കേ​ന്ദ്ര​ങ്ങ​ൾ എ​ന്നി​വി​ട​ങ്ങ​ളി​ലും അ​പേ​ക്ഷ സ്വീ​ക​രി​ക്കും.

ന​ട​പ​ടി​ക​ൾ വേ​ഗ​ത്തി​ലും കാ​ര്യ​ക്ഷ​മ​വു​മാ​ക്കു​ന്ന​തി​നാ​യി മു​ഴു​വ​ൻ ദി​വ​സ​വും സേ​വ​ന കേ​ന്ദ്ര​ങ്ങ​ൾ പ്ര​വ​ർ​ത്തി​ക്കു​ന്ന​താ​യും മ​ന്ത്രാ​ല​യം അ​റി​യി​ച്ചു.

#two #months #amnesty #Private #institutions #can #apply #remission #fine