---
title: "'അറേബ്യൻ ഉൾക്കടലിൽ ഗൾഫ് തീരത്തോട് ചേർന്ന് എണ്ണക്കപ്പലിന് തീപിടിത്തം'; 22 ജീവനക്കാർക്ക് രക്ഷയായി യുഎഇ നാഷണൽ ഗാർഡ്"
english_title: "Oil Tanker Catches Fire in Arabian Gulf; 22 Crew Rescued by UAE National Guard"
publisher: "gccnews.in"
canonical_url: "https://gcc.truevisionnews.com/news/386504/arabian-gulf-oil-tanker-fire-rescue-new"
published_at: "2026-10-11T06:43:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6acae3d23af1d_arabian-gulf-oil-tanker-fire-rescue.jpg"
keywords: ["OilTanker", "UAENationalGuard", "ArabianGulf", "MaritimeSafety", "CrewRescue"]
---

# 'അറേബ്യൻ ഉൾക്കടലിൽ ഗൾഫ് തീരത്തോട് ചേർന്ന് എണ്ണക്കപ്പലിന് തീപിടിത്തം'; 22 ജീവനക്കാർക്ക് രക്ഷയായി യുഎഇ നാഷണൽ ഗാർഡ്

> **Lead Summary:** അബുദാബി: അറേബ്യൻ ഉൾക്കടലിൽ ഗൾഫ് തീരത്തോട് ചേർന്ന് എണ്ണക്കപ്പലിന് തീപിടിച്ചു. കപ്പലിലെ 22 ജീവനക്കാരെയും യുഎഇ നാഷണൽ ഗാർഡ് രക്ഷപ്പെടുത്തി.

## Article Content

അബുദാബി: അറേബ്യൻ ഉൾക്കടലിൽ ഗൾഫ് തീരത്തോട് ചേർന്ന് എണ്ണക്കപ്പലിന് തീപിടിച്ചു. കപ്പലിലെ 22 ജീവനക്കാരെയും യുഎഇ നാഷണൽ ഗാർഡ് രക്ഷപ്പെടുത്തി.

കപ്പലിൽ പെട്ടെന്ന് തീപിടിത്തമുണ്ടായതിനെ തുടർന്ന് ലഭിച്ച അടിയന്തര സന്ദേശത്തിന് പിന്നാലെയാണ് യുഎഇ കോസ്റ്റ് ഗാർഡ് വിഭാഗം വൻ ദുരന്തം ഒഴിവാക്കിയത്. കോസ്റ്റ് ഗാർഡിന്റെ പ്രത്യേക വിദഗ്ദ്ധ സംഘം കപ്പൽ കണ്ടെത്തി ഇതിലുണ്ടായിരുന്ന എല്ലാവരെയും രക്ഷിക്കുകയായിരുന്നു.

കപ്പലിലെ 22 ജീവനക്കാർക്കും ആവശ്യമായ പ്രഥമശുശ്രൂഷ നൽകി. എല്ലാവരുടെയും ആരോഗ്യനില തൃപ്തികരമാണെന്ന് നാഷണൽ ഗാർഡ് അറിയിച്ചു. സമുദ്ര സുരക്ഷ ഉറപ്പാക്കുന്നതിലും അടിയന്തര സാഹചര്യങ്ങളോട് വേഗത്തിൽ പ്രതികരിക്കുന്നതിലുമുള്ള സേനയുടെ മികവാണ് ഈ ദൗത്യം തെളിയിക്കുന്നതെന്ന് യു.എ.ഇ നാഷണൽ ഗാർഡ് പ്രസ്താവനയിൽ വ്യക്തമാക്കി.

അന്താരാഷ്ട്ര സമുദ്രമേഖലയിൽ സുരക്ഷ വർദ്ധിപ്പിക്കുന്നതിനും ജീവനക്കാരുടെ ജീവൻ സംരക്ഷിക്കുന്നതിനുമുള്ള ശ്രമങ്ങൾ തുടരുമെന്നും യു.എ.ഇ അറിയിച്ചു.

An oil tanker caught fire near the Gulf coast in the Arabian Sea, prompting a swift rescue operation by the UAE National Guard. All 22 crew members were evacuated safely and given first aid, with authorities saying their condition is satisfactory.

### Related Links & Sources
- [Original Story Source](https://gcc.truevisionnews.com/news/386504/arabian-gulf-oil-tanker-fire-rescue-new)