---
title: "കുവൈറ്റിൽ വൻ സുരക്ഷാ പരിശോധന; വിവിധ കേസ്സുകളിലായി നൂറുകണക്കിന് പേർ അറസ്റ്റിൽ"
english_title: "Kuwait Police Crackdown Hundreds Arrested In Security Raids"
publisher: "gccnews.in"
canonical_url: "https://gcc.truevisionnews.com/news/384677/kuwait-security-inspection-hundreds-arrested"
published_at: "2026-09-29T12:40:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6abb64b002b42_kuwait-security-inspection-hundreds-arrested.jpg"
keywords: ["Kuwait Police", "Security Raid"]
---

# കുവൈറ്റിൽ വൻ സുരക്ഷാ പരിശോധന; വിവിധ കേസ്സുകളിലായി നൂറുകണക്കിന് പേർ അറസ്റ്റിൽ

> **Lead Summary:** **കുവൈത്ത് സിറ്റി: **കുവൈത്തിൽ വ്യാപക പരിശോധന നടത്തി പൊലീസ്. ക്യാപിറ്റൽ ഗവർണറേറ്റ് സെക്യൂരിറ്റി ഡയറക്ടറേറ്റിന്റെ നേതൃത്വത്തിൽ കുവൈത്ത് മുനിസിപ്പാലിറ്റിയും പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷനും ചേർന്നാണ് രാജ്യത്ത് വിപുലമായ പരിശോധന നടത്തിയത്. നിരോധിത പ്രവർത്തനങ്ങൾ തടയുന്നതിനും നിയമലംഘകരെ പിടികൂടുന്നതിനുമായി നടത്തിയ കാമ്പയിനിൽ നൂറുകണക്കിന് ആളുകളാണ് വിവിധ കുറ്റങ്ങൾക്ക് പിടിയിലായത്. ക്രിമിനൽ കേസുകളിൽ തിരയുന്ന 19 പേർ, സാമ്പത്തിക ബാധ്യത വരുത്തിവെച്ച 4 പേർ, ഒളിവിൽ പോയതായി കേസ് രജിസ്റ്റർ ചെയ്ത 72 പേർ എന്നിവരും അറസ്റ്റിലായിട്ടുണ്ട്.

## Article Content

**കുവൈത്ത് സിറ്റി: **കുവൈത്തിൽ വ്യാപക പരിശോധന നടത്തി പൊലീസ്. ക്യാപിറ്റൽ ഗവർണറേറ്റ് സെക്യൂരിറ്റി ഡയറക്ടറേറ്റിന്റെ നേതൃത്വത്തിൽ കുവൈത്ത് മുനിസിപ്പാലിറ്റിയും പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷനും ചേർന്നാണ് രാജ്യത്ത് വിപുലമായ പരിശോധന നടത്തിയത്. നിരോധിത പ്രവർത്തനങ്ങൾ തടയുന്നതിനും നിയമലംഘകരെ പിടികൂടുന്നതിനുമായി നടത്തിയ കാമ്പയിനിൽ നൂറുകണക്കിന് ആളുകളാണ് വിവിധ കുറ്റങ്ങൾക്ക് പിടിയിലായത്. ക്രിമിനൽ കേസുകളിൽ തിരയുന്ന 19 പേർ, സാമ്പത്തിക ബാധ്യത വരുത്തിവെച്ച 4 പേർ, ഒളിവിൽ പോയതായി കേസ് രജിസ്റ്റർ ചെയ്ത 72 പേർ എന്നിവരും അറസ്റ്റിലായിട്ടുണ്ട്.

ഇഖാമ നിയമം ലംഘിച്ച 53 പേരും സ്വതന്ത്ര തൊഴിലാളികളായി ജോലി ചെയ്തിരുന്ന 16 പേരും പരിശോധനയിൽ പിടിയിലായി. വ്യാജരേഖ ചമച്ച കേസിൽ ഒരാളും, മദ്യവുമായി 3 പേരും, വഴിയോര കച്ചവടം നടത്തിയ ഒരാളും പിടിയിലായവരിൽ ഉൾപ്പെടുന്നു. ഫൈലാക്കാ ദ്വീപിൽ വേട്ടയാടാൻ ഉപയോഗിക്കുന്ന 4 തോക്കുകളുമായി 7 പേരെയും കസ്റ്റഡിയിലെടുത്തു. കൂടാതെ, സുരക്ഷാ മാനദണ്ഡങ്ങൾ പാലിക്കാതെ വാഹനങ്ങളിൽ മത്സ്യം എത്തിച്ച് വിൽപ്പന നടത്തിയ 11 പേരും അറസ്റ്റിലായി.

പരിശോധനയുടെ ഭാഗമായി 14 സുരക്ഷാ ചെക്ക്പോസ്റ്റുകൾ സ്ഥാപിക്കുകയും 432 ട്രാഫിക് നിയമലംഘനങ്ങൾ രേഖപ്പെടുത്തുകയും ചെയ്തു. ഉപേക്ഷിക്കപ്പെട്ട നിലയിൽ കണ്ടെത്തിയ 46 വാഹനങ്ങൾ നീക്കം ചെയ്തതിനൊപ്പം, അനധികൃതമായി പ്രവർത്തിച്ച പുരുഷന്മാരുടെ സലൂൺ മുനിസിപ്പാലിറ്റിയുമായി ചേർന്ന് അധികൃതർ അടപ്പിച്ചു. റെയ്ഡിൽ പിടിച്ചെടുത്ത സാധനങ്ങളും പ്രതികളെയും തുടർനടപടികൾക്കായി ബന്ധപ്പെട്ട വകുപ്പുകൾക്ക് കൈമാറിയതായി അധികൃതർ വ്യക്തമാക്കി.

**English Summary:**

Kuwait Police, in cooperation with the Kuwait Municipality and the Public Authority for Food and Nutrition, conducted a massive security sweep resulting in the arrest of hundreds of violators, including wanted criminals, residency law breakers, and individuals involved in illegal activities across the country.

### Related Links & Sources
- [Original Story Source](https://gcc.truevisionnews.com/news/384677/kuwait-security-inspection-hundreds-arrested)