---
title: "ദുബായ് ഭരണാധികാരിയുടെ സഹോദരൻ ശൈഖ് അഹമ്മദ് ബിൻ റാഷിദ് അൽ മക്തൂം അന്തരിച്ചു, ദുബായിൽ 10 ദിവസത്തെ ദുഃഖാചരണം"
english_title: "Sheikh Ahmed Bin Rashid Al Maktoum Passes Away Dubai 10 Days Mourning Sheikh Mohammed Bin Rashid Brother"
publisher: "gccnews.in"
canonical_url: "https://gcc.truevisionnews.com/news/383654/sheikh-ahmed-bin-rashid-al-maktoum-passes-away-dubai-10-days-mourning"
published_at: "2026-09-21T13:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ab0eafd39a7e_sheikh-ahmed-bin-rashid-al-maktoum-passes-away-dubai-10-days-mourning.jpg"
keywords: ["Sheikh Ahmed Bin Rashid Al Maktoum", "Mohammed Bin Rashid Brother Death", "Dubai Media Office", "UAE Ruler Condolence"]
---

# ദുബായ് ഭരണാധികാരിയുടെ സഹോദരൻ ശൈഖ് അഹമ്മദ് ബിൻ റാഷിദ് അൽ മക്തൂം അന്തരിച്ചു, ദുബായിൽ 10 ദിവസത്തെ ദുഃഖാചരണം

> **Lead Summary:** ദുബായ്: യുഎഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമിന്റെ സഹോദരൻ ശൈഖ് അഹമ്മദ് ബിൻ റാഷിദ് അൽ മക്തൂം തിങ്കളാഴ്ച രാവിലെ അന്തരിച്ചു. ദുബായ് മീഡിയ ഓഫീസാണ് വിയോഗ വാർത്ത ഔദ്യോഗികമായി പുറത്തുവിട്ടത്.

## Article Content

ദുബായ്: യുഎഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമിന്റെ സഹോദരൻ ശൈഖ് അഹമ്മദ് ബിൻ റാഷിദ് അൽ മക്തൂം തിങ്കളാഴ്ച രാവിലെ അന്തരിച്ചു. ദുബായ് മീഡിയ ഓഫീസാണ് വിയോഗ വാർത്ത ഔദ്യോഗികമായി പുറത്തുവിട്ടത്.

അദ്ദേഹത്തിന്‍റെ വേർപാടിൽ അനുശോചിച്ച് ദുബായിൽ തിങ്കളാഴ്ച മുതൽ 10 ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചു. ദുഃഖാചരണത്തിന്റെ ഭാഗമായി എമിറേറ്റിലുടനീളം ദേശീയപതാക പകുതി താഴ്ത്തിക്കെട്ടും.

'സഹോദരാ, അല്ലാഹു നിങ്ങളോട് കരുണ കാണിക്കട്ടെ. നിങ്ങൾ ഞങ്ങളുടെ കണ്ണുകളിൽ നിന്ന് മറഞ്ഞെങ്കിലും ഞങ്ങളുടെ പ്രാർത്ഥനകളിലും ഹൃദയങ്ങളിലും എന്നും ജീവിക്കും. അല്ലാഹു നിങ്ങൾക്ക് സ്വർഗ്ഗം നൽകി അനുഗ്രഹിക്കട്ടെ' എന്ന് ശൈഖ് മുഹമ്മദ് ബിൻ റാഷിദ് അൽ മക്തൂം സോഷ്യൽ മീഡിയയിൽ കുറിച്ചു.

10 ദിവസത്തെ ഔദ്യോഗിക ദുഃഖാചരണ കാലയളവിൽ സർക്കാർ സ്ഥാപനങ്ങളിലും പൊതുയിടങ്ങളിലും പതാകകൾ പകുതി താഴ്ത്തിക്കെട്ടും. നിര്യാണത്തെ തുടർന്ന് യുഎഇയിലെ വിവിധ ഭരണാധികാരികളും പ്രമുഖരും അനുശോചനം രേഖപ്പെടുത്തി.

**English Summary:**

Sheikh Ahmed bin Rashid Al Maktoum, brother of UAE Vice President, Prime Minister and Dubai Ruler Sheikh Mohammed bin Rashid Al Maktoum, passed away Monday morning, officially announced by Dubai Media Office. Dubai declared 10 days official mourning from Monday, national flags to fly at half-mast across Emirate including government establishments and public places. Sheikh Mohammed bin Rashid wrote on social media: Brother, may Allah have mercy on you, you disappeared from our eyes but will live forever in our prayers and hearts, may Allah bless you with heaven. Various rulers and prominent personalities in UAE expressed condolences.

### Related Links & Sources
- [Original Story Source](https://gcc.truevisionnews.com/news/383654/sheikh-ahmed-bin-rashid-al-maktoum-passes-away-dubai-10-days-mourning)