---
title: "ലഹരി സാമ്രാജ്യത്തിന്റെ രഹസ്യത്താവളം പൂട്ടി പൊലീസ്; കുവൈത്ത് പൗരൻ പിടിയിൽ കുടുങ്ങിയത് തന്ത്രപരമായ നീക്കത്തിലൂടെ"
english_title: "Kuwait Drug Bust Kuwaiti Citizen Arrested With Cocaine Hashish Lyrica Pistol Farwaniya"
publisher: "gccnews.in"
canonical_url: "https://gcc.truevisionnews.com/news/381669/kuwait-drug-bust-citizen-arrested-cocaine-hashish-pistol-farwaniya"
published_at: "2026-09-08T13:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a9fc768329b8_kuwait-drug-bust-citizen-arrested-cocaine-hashish-pistol-farwaniya.jpg"
keywords: ["Kuwait Drug Bust", "Drug Arrest Kuwait", "Farwaniya News", "Kuwait Interior Ministry"]
---

# ലഹരി സാമ്രാജ്യത്തിന്റെ രഹസ്യത്താവളം പൂട്ടി പൊലീസ്; കുവൈത്ത് പൗരൻ പിടിയിൽ കുടുങ്ങിയത് തന്ത്രപരമായ നീക്കത്തിലൂടെ

> **Lead Summary:** **കുവൈത്ത്: **കുവൈത്ത് സിറ്റിയിൽ വൻതോതിൽ ലഹരിമരുന്നുകളും ആയുധങ്ങളും കൈവശം വെച്ച് വിൽപ്പന നടത്തിയ കുവൈത്ത് പൗരനെ ക്രിമിനൽ സെക്യൂരിറ്റി സെക്ടറിന് കീഴിലെ ജനറൽ ഡിപ്പാർട്ട്‌മെന്റ് ഫോർ ഡ്രഗ് കൺട്രോൾ അറസ്റ്റ് ചെയ്തു.

## Article Content

**കുവൈത്ത്: **കുവൈത്ത് സിറ്റിയിൽ വൻതോതിൽ ലഹരിമരുന്നുകളും ആയുധങ്ങളും കൈവശം വെച്ച് വിൽപ്പന നടത്തിയ കുവൈത്ത് പൗരനെ ക്രിമിനൽ സെക്യൂരിറ്റി സെക്ടറിന് കീഴിലെ ജനറൽ ഡിപ്പാർട്ട്‌മെന്റ് ഫോർ ഡ്രഗ് കൺട്രോൾ അറസ്റ്റ് ചെയ്തു.

ഫർവാനിയയിലെ കുതിരലായ മേഖലയിൽ വാടകയ്‌ക്കെടുത്ത കേന്ദ്രത്തിൽ നിന്നാണ് ഇയാളെ പൊലീസ് പിടികൂടിയത്. തുടർന്ന് അബ്ദുള്ള അൽ-മുബാറക് പ്രദേശത്തെ മറ്റൊരു കേന്ദ്രത്തിലും സുരക്ഷാ സേന പരിശോധന നടത്തുകയുണ്ടായി. ഈ പരിശോധനയിൽ 300 ഗ്രാമോളം കൊക്കെയ്ൻ, 250 ഗ്രാമോളം ഹാഷിഷ്, 3,500-ലധികം ലിറിക്ക ഗുളികകൾ, 1,000-ത്തോളം കെമിക്കൽ പേപ്പറുകൾ (സിന്തറ്റിക് ലഹരി വസ്തുക്കൾ അടങ്ങിയത്), 50 ഗ്രാമോളം മെത്താംഫെറ്റമിൻ, ഒരു പിസ്റ്റളും വെടിയുണ്ടകളും, 4 ഡിജിറ്റൽ ത്രാസുകൾ എന്നിവ പിടിച്ചെടുത്തു.

പ്രതിയെയും തൊണ്ടിമുതലുകളെയും തുടർനടപടികൾക്കായി ബന്ധപ്പെട്ട വകുപ്പുകൾക്ക് കൈമാറി. അനുവദനീയമല്ലാത്ത മറ്റ് അനധികൃത ആവശ്യങ്ങൾക്ക് സ്ഥലം ഉപയോഗിച്ചതുമായി ബന്ധപ്പെട്ട് കുതിരലായത്തിന്റെ ഉടമയോട് ഹാജരാകാൻ പൊലീസ് ആവശ്യപ്പെട്ടിട്ടുണ്ട്. ഈ സ്ഥലം സർക്കാരിലേക്ക് കണ്ടുകെട്ടുന്നതിനുള്ള നടപടികൾ ആരംഭിക്കാൻ നിർദ്ദേശം നൽകിയതായും, നിയമവിരുദ്ധ പ്രവർത്തനങ്ങൾക്കെതിരെ കർശന നടപടി തുടരുമെന്നും ആഭ്യന്തര മന്ത്രാലയം മുന്നറിയിപ്പ് നൽകി.

English Summary:

Kuwait citizen arrested in Kuwait City for possessing and selling large quantity of drugs and gun and bullets. General Department for Drug Control under Criminal Security Sector arrested him. Police team caught accused from rented base in horse stable area in Farwaniya. Then security force also searched another center in Abdullah Al Mubarak area. Seized around 300 grams cocaine 250 grams hashish around 3500 Lyrica pills around 1000 chemical papers containing synthetic drugs around 50 grams methamphetamine a pistol and bullets 4 digital scales. Arrested accused and seized contraband handed over to concerned departments for further legal action. Police sent summons to owner of stable to appear after finding it used for unauthorized activities other than permitted purpose. Concerned department instructed to start procedures to confiscate said place to government. Interior Ministry warned any property used for illegal purposes will be confiscated to government and strict action will be taken against violations.

### Related Links & Sources
- [Original Story Source](https://gcc.truevisionnews.com/news/381669/kuwait-drug-bust-citizen-arrested-cocaine-hashish-pistol-farwaniya)