---
title: "പ്രവാസികളുടെ പോക്കറ്റ് കാലിയാകും, ദുബായിൽ സ്വർണവില കുതിക്കുന്നു; മൂന്ന് ദിവസത്തിനിടെ ഗ്രാമിന് 10 ദിർഹം വർധിച്ചു"
english_title: "Dubai Gold Price Surge Today 24K Hits 532 Dirhams Per Gram 10 Dirham Rise In Three Days"
publisher: "gccnews.in"
canonical_url: "https://gcc.truevisionnews.com/news/380970/dubai-gold-price-surge-today-24k-532-dirhams-uae-retail-rate-hike"
published_at: "2026-09-03T13:37:00+05:30"
category: "Gulf Focus"
language: "ml"
image: "https://cf.zdn.im/img/truevisionnews.com/0/image-uploads/6a992b6bdddf1_dubai-gold-price-surge-today-24k-532-dirhams-uae-retail-rate-hike.jpg"
keywords: ["Dubai Gold Price Today", "UAE Gold Rate", "24K Gold Price Dubai", "Gold Price Hike UAE"]
---

# പ്രവാസികളുടെ പോക്കറ്റ് കാലിയാകും, ദുബായിൽ സ്വർണവില കുതിക്കുന്നു; മൂന്ന് ദിവസത്തിനിടെ ഗ്രാമിന് 10 ദിർഹം വർധിച്ചു

> **Lead Summary:** ദുബായ്: വാരത്തിൽ സ്വർണവിപണിയിൽ പ്രകടവും ശക്തവുമായ മുന്നേറ്റം തുടരുന്നതോടെ യുഎഇയിലെ റീട്ടെയ്ൽ നിരക്കുകളിൽ വർധന രേഖപ്പെടുത്തി. എന്നാൽ ആഭരണങ്ങൾ വാങ്ങാൻ പദ്ധതിയിടുന്നവർക്കും നിക്ഷേപകർക്കും വിലവർധന തിരിച്ചടിയാകും.

## Article Content

ദുബായ്: വാരത്തിൽ സ്വർണവിപണിയിൽ പ്രകടവും ശക്തവുമായ മുന്നേറ്റം തുടരുന്നതോടെ യുഎഇയിലെ റീട്ടെയ്ൽ നിരക്കുകളിൽ വർധന രേഖപ്പെടുത്തി. എന്നാൽ ആഭരണങ്ങൾ വാങ്ങാൻ പദ്ധതിയിടുന്നവർക്കും നിക്ഷേപകർക്കും വിലവർധന തിരിച്ചടിയാകും.

ഇന്ന് രാവിലെ 24 കാരറ്റ് സ്വർണത്തിന് ഗ്രാമിന് 532 ദിർഹമാണ് നിരക്ക്. ബുധനാഴ്ച രേഖപ്പെടുത്തിയ 528.25 ദിർഹത്തിൽ നിന്ന് ഒറ്റദിവസം കൊണ്ട് 3.75 ദിർഹത്തിന്റെ വർധനയുണ്ടായി. 22 കാരറ്റ് സ്വർണവില ഗ്രാമിന് 489.25 ദിർഹത്തിൽ നിന്ന് 3.25 ദിർഹം ഉയർന്ന് 492.50 ദിർഹത്തിലെത്തി.

ഈ മാസം ആദ്യം മുതൽ ഘട്ടംഘട്ടമായാണ് യുഎഇ വിപണിയിൽ വില വർധിക്കുന്നത്. സെപ്റ്റംബർ ഒന്നിന് 522 ദിർഹമായിരുന്ന 24 കാരറ്റ് സ്വർണത്തിന് സെപ്റ്റംബർ രണ്ടിന് 528.25 ദിർഹവും സെപ്റ്റംബർ മൂന്നിന് 532 ദിർഹവുമായി ഉയർന്നതോടെ മൂന്നു ദിവസത്തിനിടെ ഗ്രാമിന് 10 ദിർഹത്തിന്റെ വർധന രേഖപ്പെടുത്തി.

ഇതേ കാലയളവിൽ 22 കാരറ്റ് സ്വർണം 483.25 ദിർഹത്തിൽ നിന്ന് 492.50 ദിർഹത്തിലേക്കും 21 കാരറ്റ് സ്വർണം 463.50 ദിർഹത്തിൽ നിന്ന് 472.25 ദിർഹത്തിലേക്കും ഉയർന്നു. 18 കാരറ്റ് സ്വർണനിരക്ക് 397.25 ദിർഹത്തിൽ നിന്ന് 404.75 ദിർഹവുമായാണ് ഉയർന്നത്.

രാജ്യാന്തര വിപണിയിൽ സ്വർണവില തിരിച്ചുകയറിയതാണ് യുഎഇയിലെ നിരക്കുകളിലും പ്രതിഫലിച്ചത്.

മുൻപ് ഔൺസിന് 4,285 ഡോളറിലേക്ക് താഴ്ന്ന സ്വർണവില പിന്നീട് ശക്തമായ തിരിച്ചു വരവ് നടത്തുകയായിരുന്നു. കുറഞ്ഞ നിരക്കിൽ നിന്ന് 115 ഡോളറിലേറെ (ഏകദേശം 2.7 ശതമാനം) വർധിച്ച് സ്വർണവില വീണ്ടും 4,400 ഡോളറിന് മുകളിലെത്തിയെന്ന് എക്സ്എസ്.കോം വിപണി വിദഗ്ധർ പറയുന്നു.

**English Summary:**

Dubai: Gold prices continue strong rally in UAE retail market, hitting buyers and investors. Today morning 24K gold is at 532 dirhams per gram, up 3.75 dirhams from Wednesday's 528.25. 22K rose to 492.50 from 489.25. In three days from September 1, 24K rose by 10 dirhams from 522 to 532. Similarly 22K from 483.25 to 492.50, 21K from 463.50 to 472.25 and 18K from 397.25 to 404.75. International market rebound from $4,285 per ounce to above $4,400 with $115 gain (2.7%) is reflected in UAE rates according to XS.com experts.

### Related Links & Sources
- [Original Story Source](https://gcc.truevisionnews.com/news/380970/dubai-gold-price-surge-today-24k-532-dirhams-uae-retail-rate-hike)