---
title: "അബൂദബിയിൽ വാഹനാപകടം; രണ്ട് മലയാളികൾ മരിച്ചു"
english_title: "Two Malayalis Killed In Car Accident In Abu Dhabi"
publisher: "gccnews.in"
canonical_url: "https://gcc.truevisionnews.com/news/379899/two-malayalis-killed-abu-dhabi-car-accident-malappuram-kasargod"
published_at: "2026-08-24T21:38:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a8c6cdb824c6_two-malayalis-killed-abu-dhabi-car-accident-malappuram-kasargod.jpg"
keywords: ["Abu Dhabi Accident", "Malayali Died", "UAE News"]
---

# അബൂദബിയിൽ വാഹനാപകടം; രണ്ട് മലയാളികൾ മരിച്ചു

> **Lead Summary:** അബൂദബി: അബൂദബിയിൽ കഴിഞ്ഞ ദിവസമുണ്ടായ വാഹനാപകടത്തിൽ രണ്ട് മലയാളികൾ മരിച്ചു. മലപ്പുറം തൃപ്പനച്ചി സ്വദേശി നാറണത്ത് ഹംസ മുസ്‌ലിയാർ , കാസർകോട് മൗവ്വൽ സ്വദേശി മുഹമ്മദ് അഷ്‌റഫ് എന്നിവരാണ് മരിച്ചത്.

## Article Content

അബൂദബി: അബൂദബിയിൽ കഴിഞ്ഞ ദിവസമുണ്ടായ വാഹനാപകടത്തിൽ രണ്ട് മലയാളികൾ മരിച്ചു. മലപ്പുറം തൃപ്പനച്ചി സ്വദേശി നാറണത്ത് ഹംസ മുസ്‌ലിയാർ , കാസർകോട് മൗവ്വൽ സ്വദേശി മുഹമ്മദ് അഷ്‌റഫ് എന്നിവരാണ് മരിച്ചത്.

രണ്ടുപേരുടെയും മൃതദേഹം അബൂദബി മഫ്‌റഖ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. മരണത്തിനിടയാക്കിയ വാഹനാപകടത്തെ കുറിച്ച വിവരങ്ങൾ ലഭ്യമായിയിട്ടില്ല. അജ്ഞാതർ എന്ന നിലയിലാണ് ഇവരെ പൊലീസ് ആശുപത്രിയിലെത്തിച്ചത്.

ഷാർജയിൽ നിന്ന് അബൂദബിയിലേക്കുള്ള യാത്രയിൽ ഇവർ സഞ്ചരിച്ച വാഹനം അപകടത്തിൽപെട്ടതായാണ് വിവരം. വർഷങ്ങളായി യു.എ.ഇയിൽ പ്രവാസിയാണ് മരിച്ച കാസർകോട് സ്വദേശി മുഹമ്മദ് അഷ്‌റഫ്. മരിച്ച ഹംസ മുസ്‌ലിയാർ സന്ദർശക വിസയിലായിരുന്നു.

ഹംസയുടെ മൃതദേഹം നാളെ നാട്ടിലേക്ക് കൊണ്ടുപോകുമെന്ന് ഐ.സി.എഫിന്റെ സാമൂഹിക പ്രവർത്തകർ അറിയിച്ചു.

ഭാര്യ: ആരിഫ ഇല്ലിയൻ. മക്കൾ: സൗദ, ആഷിഖ്, അനീസ്. മരുമകൻ: ഷാഫി.

നസീമയാണ് മുഹമ്മദ് അഷ്‌റഫിന്റെ ഭാര്യ. മക്കൾ: മുംതാസ്, മുനീർ, നജീല, അസ്‌ലമിയ്യ.

**English Summary:**

Two Malayalis died in a car accident in Abu Dhabi the other day. The deceased are Naranath Hamza Musliyar (53), a native of Trippanachi, Malappuram, and Muhammad Ashraf (54), a native of Mowval, Kasaragod. Both bodies are kept at Mafraq Hospital mortuary in Abu Dhabi. Police reportedly brought them as unidentified persons. They were traveling from Sharjah to Abu Dhabi. Hamza was on a visit visa, while Ashraf was a long-time UAE expatriate.

### Related Links & Sources
- [Original Story Source](https://gcc.truevisionnews.com/news/379899/two-malayalis-killed-abu-dhabi-car-accident-malappuram-kasargod)