---
title: "കുവൈത്തിൽ 30 പേരുടെ കൂടി പൗരത്വം റദ്ദാക്കി; നടപടിയുമായി സുപ്രീം കമ്മിറ്റി"
english_title: "Kuwait Revokes Citizenship Of 30 More People Supreme Committee Orders"
publisher: "gccnews.in"
canonical_url: "https://gcc.truevisionnews.com/news/378531/kuwait-revokes-citizenship-of-30-more-people-supreme-committee"
published_at: "2026-08-14T16:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a7ef3bd7b9ec_kuwait-revokes-citizenship-of-30-more-people-supreme-committee.jpg"
keywords: ["Kuwait Citizenship", "Gulf News", "Sheikh Fahad Al Yousef", "Kuwait Law"]
---

# കുവൈത്തിൽ 30 പേരുടെ കൂടി പൗരത്വം റദ്ദാക്കി; നടപടിയുമായി സുപ്രീം കമ്മിറ്റി

> **Lead Summary:** **കുവൈത്ത് സിറ്റി: ** കുവൈത്തിൽ 30 പേരുടെ കൂടി പൗരത്വം റദ്ദാക്കിക്കൊണ്ട് പൗരത്വ അന്വേഷണത്തിനായുള്ള സുപ്രീം കമ്മിറ്റി പുതിയ ഉത്തരവിറക്കി. പൗരത്വം പരിശോധിക്കാനുള്ള സുപ്രീം കമ്മിറ്റിയുടെ ചെയർമാൻ കൂടിയായ ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസുഫ് സൗദ് അസ്സബാഹാണ് ഉത്തരവിൽ ഒപ്പുവെച്ചത്. വ്യാജ പൗരത്വവുമായി ബന്ധപ്പെട്ട കൂടുതൽ വിവരങ്ങൾ കണ്ടെത്തുന്നതിനുള്ള വിപുലമായ അന്വേഷണം രാജ്യത്ത് തുടരുകയാണ്.

## Article Content

**കുവൈത്ത് സിറ്റി: ** കുവൈത്തിൽ 30 പേരുടെ കൂടി പൗരത്വം റദ്ദാക്കിക്കൊണ്ട് പൗരത്വ അന്വേഷണത്തിനായുള്ള സുപ്രീം കമ്മിറ്റി പുതിയ ഉത്തരവിറക്കി. പൗരത്വം പരിശോധിക്കാനുള്ള സുപ്രീം കമ്മിറ്റിയുടെ ചെയർമാൻ കൂടിയായ ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസുഫ് സൗദ് അസ്സബാഹാണ് ഉത്തരവിൽ ഒപ്പുവെച്ചത്. വ്യാജ പൗരത്വവുമായി ബന്ധപ്പെട്ട കൂടുതൽ വിവരങ്ങൾ കണ്ടെത്തുന്നതിനുള്ള വിപുലമായ അന്വേഷണം രാജ്യത്ത് തുടരുകയാണ്.

വ്യാജ പൗരത്വങ്ങൾ കണ്ടെത്താനുള്ള പരിശോധനകൾ കുവൈത്ത് ഭരണകൂടം സമീപകാലത്ത് ശക്തമാക്കിയിട്ടുണ്ട്. വ്യാജരേഖകൾ ചമയ്ക്കൽ, ഇരട്ട പൗരത്വം കൈവശം വെക്കൽ, ക്രിമിനൽ പശ്ചാത്തലം എന്നിവ മുൻനിർത്തി ഇതിനകം തന്നെ ആയിരക്കണക്കിന് ആളുകളുടെ പൗരത്വമാണ് സർക്കാർ റദ്ദാക്കിയത്.

2026 ജൂലൈയിലെ ഏറ്റവും പുതിയ നിയമഭേദഗതി പ്രകാരം വിദേശികൾക്ക് ദീർഘകാല താമസം, അറബി ഭാഷാ പ്രാവീണ്യം, അല്ലെങ്കിൽ രാജ്യത്തിന് നൽകിയ സംഭാവനകൾ എന്നിവയുടെ അടിസ്ഥാനത്തിൽ കുവൈത്ത് പൗരത്വം നൽകുന്ന രീതി പൂർണ്ണമായും നിർത്തലാക്കിയിരുന്നു.

പുതിയ നിയമത്തിലെ വ്യവസ്ഥകൾ അനുസരിച്ച് കുവൈത്ത് പൗരന്മാരെ വിവാഹം കഴിക്കുന്ന വിദേശ വനിതകൾക്ക് വിവാഹത്തിന്റെ അടിസ്ഥാനത്തിൽ മാത്രം ഇനി കുവൈത്ത് പൗരത്വം ലഭിക്കില്ല. പൗരത്വം നൽകുന്നതും റദ്ദാക്കുന്നതും പൂർണ്ണമായും രാജ്യത്തിന്റെ പരമാധികാര പരിധിയിൽ വരുന്ന കാര്യമായി പ്രഖ്യാപിച്ചിട്ടുണ്ട്. ഇതിനാൽ തന്നെ പൗരത്വം റദ്ദാക്കുന്ന നടപടിക്കെതിരെ വ്യക്തികൾക്ക് കുവൈത്തിലെ സാധാരണ സിവിൽ കോടതികളെ സമീപിക്കാൻ സാധിക്കില്ലെന്ന് അധികൃതർ വ്യക്തമാക്കുന്നു.

**English Summary:**

Kuwait's Supreme Committee for Citizenship Investigation has issued an order revoking the citizenship of 30 more individuals. First Deputy Prime Minister and Minister of Interior Sheikh Fahad Yousef Saud Al-Sabah signed the decree. Authorities have intensified crackdowns on fraudulent citizenship, revoking thousands of status cases based on forged documents, dual nationality, or criminal history. Under the latest July 2026 amendment, granting citizenship to foreigners based on residency, Arabic language skills, contribution, or marriage to Kuwaiti nationals has been halted. The matter is deemed a sovereign decision, making court appeals non-viable.

### Related Links & Sources
- [Original Story Source](https://gcc.truevisionnews.com/news/378531/kuwait-revokes-citizenship-of-30-more-people-supreme-committee)