---
title: " കണ്ണൂർ സ്വദേശി  ഹൃദയാഘാതം മൂലം ഒമാനിൽ അന്തരിച്ചു "
english_title: "Kannur Native Dies Of Heart Attack In Oman, Body To Be Repatriated"
publisher: "gccnews.in"
canonical_url: "https://gcc.truevisionnews.com/news/375487/oman-adam-kannur-muhammed-kasim-heart-attack-death"
published_at: "2026-07-30T11:55:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a6af1e06d7e9_oman-adam-kannur-muhammed-kasim-heart-attack-death.jpg"
keywords: ["Heart Attack", "Malayali Death", "Kannur Native", "Oman News"]
---

#  കണ്ണൂർ സ്വദേശി  ഹൃദയാഘാതം മൂലം ഒമാനിൽ അന്തരിച്ചു 

> **Lead Summary:** മസ്കത്ത്: ഒമാനിലെ ആദമിൽ കണ്ണൂർ സ്വദേശി ഹൃദയാഘാതം മൂലം മരിച്ചു. കണ്ണൂർ ഉളിയിൽ പുതിയേടത്തുംകണ്ടി കുഞ്ഞിമമ്മു-സാറു ദമ്പതികളുടെ മകൻ കൂവേരി ഫിദാസ് ഹൗസിൽ മുഹമ്മദ് കാസിം ആണ് മരണപ്പെട്ടത്.

## Article Content

മസ്കത്ത്: ഒമാനിലെ ആദമിൽ കണ്ണൂർ സ്വദേശി ഹൃദയാഘാതം മൂലം മരിച്ചു. കണ്ണൂർ ഉളിയിൽ പുതിയേടത്തുംകണ്ടി കുഞ്ഞിമമ്മു-സാറു ദമ്പതികളുടെ മകൻ കൂവേരി ഫിദാസ് ഹൗസിൽ മുഹമ്മദ് കാസിം ആണ് മരണപ്പെട്ടത്.

ആദമിലെ അൽ അസാലിയിൽ പ്രവർത്തിക്കുന്ന ഹൈപ്പർമാർക്കറ്റിലെ ജീവനക്കാരനായിരുന്നു കാസിം. ജോലി കഴിഞ്ഞ് താമസസ്ഥലത്ത് തിരിച്ചെത്തിയപ്പോൾ ദേഹാസ്വാസ്ഥ്യം അനുഭവപ്പെടുകയും തുടർന്ന് ഹൃദയാഘാതം സംഭവിക്കുകയുമായിരുന്നു.

ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നാട്ടിലെത്തിക്കുന്നതിനുള്ള നടപടികൾ പുരോഗമിക്കുകയാണെന്ന് നിസ്‍വ കെ.എം.സി.സി അറിയിച്ചു. കെ.എം.സി.സി കെയർവിങ്ങിന്റെ നേതൃത്വത്തിൽ മരണാനന്തര നടപടിക്രമങ്ങൾ പൂർത്തിയാക്കിവരികയാണ്.

ഒമാനിലെ ഇന്ത്യൻ എംബസിയുടെയും സാമൂഹിക സംഘടനകളുടെയും സഹായത്തോടെ എത്രയും വേഗം മൃതദേഹം നാട്ടിലെത്തിക്കാനുള്ള ശ്രമങ്ങളാണ് നടക്കുന്നത്.

ഭാര്യ: വി.കെ. നസീമ.മക്കൾ: അജ്നാസ്, മിസ്‍രിയ, ഫിദ.ദീർഘകാലമായി ഒമാനിൽ ജോലി ചെയ്തുവരികയായിരുന്ന കാസിമിന്റെ പെട്ടെന്നുള്ള വിയോഗം നാട്ടിലെയും പ്രവാസി സമൂഹത്തെയും ദുഃഖത്തിലാഴ്ത്തി.  

### Related Links & Sources
- [Original Story Source](https://gcc.truevisionnews.com/news/375487/oman-adam-kannur-muhammed-kasim-heart-attack-death)