---
title: "യുഎഇയിലേക്ക് പോകുന്നവർ ശ്രദ്ധിക്കുക; നിയമം ലംഘിച്ചാൽ പണി കിട്ടും, ലഗേജിൽ കൊണ്ടുപോകരുതാത്ത സാധനങ്ങളുടെ പട്ടിക പുറത്ത്"
english_title: "UAE Travel Alert Items Banned In Dubai Abu Dhabi Sharjah Airports Luggage"
publisher: "gccnews.in"
canonical_url: "https://gcc.truevisionnews.com/news/375347/uae-travel-alert-banned-items-dubai-abu-dhabi-sharjah-airports"
published_at: "2026-07-29T15:39:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a69d3e127af8_uae-travel-alert-banned-items-dubai-abu-dhabi-sharjah-airports.jpg"
keywords: ["UAE", "Dubai Airport", "Travel Alert", "Banned Items", "Customs", "NRI"]
---

# യുഎഇയിലേക്ക് പോകുന്നവർ ശ്രദ്ധിക്കുക; നിയമം ലംഘിച്ചാൽ പണി കിട്ടും, ലഗേജിൽ കൊണ്ടുപോകരുതാത്ത സാധനങ്ങളുടെ പട്ടിക പുറത്ത്

> **Lead Summary:** **ദുബായ്: ** യുഎഇയിലേക്ക് യാത്ര ചെയ്യുന്ന പ്രവാസികളും വിനോദസഞ്ചാരികളും ലഗേജ് പാക്ക് ചെയ്യുമ്പോൾ അതീവ ശ്രദ്ധ വേണമെന്ന് വിമാനത്താവള അധികൃതരും കസ്റ്റംസ് വിഭാഗവും മുന്നറിയിപ്പ് നൽകി. സാധാരണ നമ്മൾ ഉപയോഗിക്കുന്ന പല സാധനങ്ങളും യുഎഇയിലെ വിമാനത്താവളങ്ങളിലെ സുരക്ഷാ പരിശോധനയിൽ പിടിച്ചെടുക്കപ്പെടാനും ചിലപ്പോൾ നിയമനടപടികൾ നേരിടാനും കാരണമായേക്കാം.

## Article Content

**ദുബായ്: ** യുഎഇയിലേക്ക് യാത്ര ചെയ്യുന്ന പ്രവാസികളും വിനോദസഞ്ചാരികളും ലഗേജ് പാക്ക് ചെയ്യുമ്പോൾ അതീവ ശ്രദ്ധ വേണമെന്ന് വിമാനത്താവള അധികൃതരും കസ്റ്റംസ് വിഭാഗവും മുന്നറിയിപ്പ് നൽകി. സാധാരണ നമ്മൾ ഉപയോഗിക്കുന്ന പല സാധനങ്ങളും യുഎഇയിലെ വിമാനത്താവളങ്ങളിലെ സുരക്ഷാ പരിശോധനയിൽ പിടിച്ചെടുക്കപ്പെടാനും ചിലപ്പോൾ നിയമനടപടികൾ നേരിടാനും കാരണമായേക്കാം.

ദുബായ്, അബുദാബി, ഷാർജ എന്നീ അന്താരാഷ്ട്ര വിമാനത്താവളങ്ങളാണ് യാത്രക്കാർക്ക് വേണ്ടിയുള്ള പ്രധാന നിരോധനങ്ങളുടെ പട്ടിക പുറത്തുവിട്ടത്. ലഗേജിൽ നിരോധിത വസ്തുക്കൾ കണ്ടെത്തിയാൽ അത് കണ്ടുകെട്ടുന്നതോടൊപ്പം പിഴയും മറ്റ് കർശന നടപടികളും ഉണ്ടാകുമെന്ന് അധികൃതർ വ്യക്തമാക്കി.

**കയ്യിൽ കരുതുന്ന ലഗേജിൽ വിലക്കുള്ളവ**

ഹാൻഡ് ലഗേജിൽ ആയുധമായി ഉപയോഗിക്കാൻ സാധ്യതയുള്ളതെന്ന കാരണത്താൽ ചില സാധാരണ സാധനങ്ങൾക്ക് വിലക്കുണ്ട്.

ടേപ്പ് അളവുകൾ: അളവെടുക്കുന്ന ടേപ്പുകൾ ഹാൻഡ് ലഗേജിൽ കരുതാൻ പാടില്ല.

കായിക ഉപകരണങ്ങൾ: ക്രിക്കറ്റ് ബാറ്റ്, സ്കേറ്റ് ബോർഡ്, ഫിഷിംഗ് റോഡ് (ചൂണ്ട) തുടങ്ങിയവ ക്യാബിൻ ലഗേജിൽ നിരോധിച്ചിരിക്കുന്നു.

കളിപ്പാട്ടങ്ങൾ: തോക്കിന് സമാനമായ കളിപ്പാട്ടങ്ങൾ അമ്പും വില്ലും, ഡാർട്ടുകൾ എന്നിവ ഹാൻഡ് ലഗേജിൽ കണ്ടാൽ സെക്യൂരിറ്റി വിഭാഗം പിടിച്ചെടുക്കും.

**പോപ്പി വിത്തുകൾ ഭക്ഷണ സാധനങ്ങളും**

പോപ്പി വിത്തുകൾ: ഇന്ത്യൻ അടുക്കളകളിൽ സർവ്വസാധാരണമായി ഉപയോഗിക്കുന്ന പോപ്പി വിത്തുകൾ യുഎഇയിൽ പൂർണ നിരോധനമുണ്ട്. ലഹരിമരുന്നുകളുടെ പട്ടികയിലാണ് ഇത് ഉൾപ്പെടുത്തിയിരിക്കുന്നത്. ഭക്ഷണത്തിൽ ചേർത്ത രൂപത്തിലായാൽ പോലും പോപ്പി വിത്തുകൾ കൊണ്ടുവരുന്നത് ഗുരുതരമായ കുറ്റകൃത്യമാണ്.

പന്നിയിറച്ചി ഉൽപ്പന്നങ്ങൾ: പന്നിയിറച്ചിയും അതുകൊണ്ടുണ്ടാക്കുന്ന ലാർഡ്, ജെലാറ്റിൻ, ബേക്കൺ തുടങ്ങിയ ഉൽപ്പന്നങ്ങളും കസ്റ്റംസ് വഴി രാജ്യത്തേക്ക് കടത്താൻ അനുവാദമില്ല.

** ദുർഗന്ധമുള്ള പഴങ്ങൾക്ക് വിലക്ക്**

ഇത്തിഹാദ് എയർവേസ് ഉൾപ്പെടെയുള്ള ചില വിമാനക്കമ്പനികൾ കടുത്ത മണമുള്ള ചില പഴങ്ങൾക്ക് വിലക്കേർപ്പെടുത്തിയിട്ടുണ്ട്. ചക്ക, ദുരിയാൻ, ചമ്പടക് തുടങ്ങിയ പഴങ്ങൾ വിമാനത്തിൽ കൊണ്ടുപോകാൻ പാടില്ല.

**മരുന്നുകളും ലഹരി വസ്തുക്കളും**

മറ്റ് രാജ്യങ്ങളിൽ നിയമവിധേയമായ പല മരുന്നുകളും യുഎഇയിൽ നിയന്ത്രിത വസ്തുക്കളാണ്. ഡോക്ടറുടെ വ്യക്തമായ പ്രിസ്ക്രിപ്ഷൻ ഇല്ലാത്തതും ലഹരി/സൈക്കോട്രോപിക് ഗണത്തിൽപ്പെടുന്നതുമായ മരുന്നുകൾക്ക് പ്രത്യേക അനുമതി ആവശ്യമാണ്. കഞ്ചാവ്, സിബിഡി ഓയിലുകൾ എന്നിവ രാജ്യത്ത് പൂർണമായും നിരോധിച്ചിരിക്കുന്നു.

**പ്രധാന വിമാനത്താവളങ്ങളിലെ മറ്റ് നിരോധിത വസ്തുക്കൾ**

ദുബായ് എയർപോർട്ട്: ലഹരിമരുന്നുകൾ, ചൂതാട്ട ഉപകരണങ്ങൾ, അനുമതിയില്ലാത്ത പുസ്തകങ്ങൾ/ചിത്രങ്ങൾ, വ്യാജ കറൻസികൾ, ആനക്കൊമ്പ് തുടങ്ങിയവ.

ഷാർജ എയർപോർട്ട്: 6 സെന്‍റീമീറ്റ‍ർ കൂടുതൽ നീളമുള്ള കത്തികൾ, സിസർ, പടക്കങ്ങൾ, കംപ്രസ്ഡ് ഓക്സിജൻ സിലിണ്ടറുകൾ, അണയ്ക്കുന്നതിനുള്ള ഫയർ എക്സ്റ്റിംഗുഷറുകൾ.

അബുദാബി എയർപോർട്ട്: തീപിടിക്കാൻ സാധ്യതയുള്ള ദ്രാവകങ്ങൾ, വിഷവസ്തുക്കൾ, കെമിക്കലുകൾ, വ്യാജ ആയുധങ്ങൾ.

### Related Links & Sources
- [Original Story Source](https://gcc.truevisionnews.com/news/375347/uae-travel-alert-banned-items-dubai-abu-dhabi-sharjah-airports)