75% കടന്ന് ഒക്യുപൻസി നിരക്ക്; മദീനയിലെ ഹോട്ടലുകളിൽ ആവശ്യക്കാരേറുന്നു

ജിദ്ദ: ( https://gcc.truevisionnews.com/ ) വിശുദ്ധ നഗരമായ മദീനയിലെ ഹോട്ടൽ താമസസൗകര്യ മേഖലയിൽ കഴിഞ്ഞ മൂന്ന് വർഷത്തെ ഏറ്റവും ഉയർന്ന റെക്കോർഡ് വളർച്ച രേഖപ്പെടുത്തി.

2025-ലെ വാർഷിക കണക്കുകൾ പ്രകാരം മദീനയിലെ ഹോട്ടലുകളിലെ ശരാശരി ഒക്യുപൻസി നിരക്ക് 75 ശതമാനത്തിൽ എത്തി. 2023-ൽ 72.2 ശതമാനവും 2024-ൽ 70.7 ശതമാനവുമായിരുന്ന നിരക്കാണ് ഇപ്പോൾ റെക്കോർഡ് വേഗതയിൽ ഉയർന്നിരിക്കുന്നത്.

മദീന മേഖലയിലെ ഹോസ്പിറ്റാലിറ്റി രംഗത്തെ പ്രകടനത്തെക്കുറിച്ച് 'അൽ മുഖർ ഡെവലപ്‌മെന്റ് കമ്പനി' പുറത്തുവിട്ട വാർഷിക റിപ്പോർട്ടിലാണ് ഈ വിവരങ്ങളുള്ളത്. കഴിഞ്ഞ വർഷത്തെ അപേക്ഷിച്ച് ഹോട്ടൽ താമസസൗകര്യങ്ങളിൽ 6.1 ശതമാനത്തിന്റെ കൃത്യമായ വളർച്ചയാണ് മദീന കൈവരിച്ചിരിക്കുന്നത്.

ആഗോളതലത്തിൽ സന്ദർശകർക്കും ഉംറ തീർഥാടകർക്കും മദീന നഗരത്തോടുള്ള താല്പര്യവും, താമസസൗകര്യങ്ങൾക്കായുള്ള വർധിച്ചുവരുന്ന ആവശ്യകതയുമാണ് ഈ കണക്കുകൾ വ്യക്തമാക്കുന്നത്.

Also read: ഷാർജയിൽ കെട്ടിടത്തിൽ നിന്ന് വീണ് പരുക്കേറ്റ് ചികിത്സയിലായിരുന്ന മലയാളി യുവാവ് മരിച്ചു

ഹോട്ടൽ മേഖലയിലുണ്ടായ ഈ മുന്നേറ്റം പ്രവിശ്യയിലെ മൊത്തത്തിലുള്ള സാമ്പത്തിക-വിനോദസഞ്ചാര പ്രവർത്തനങ്ങൾക്ക് വലിയ ഊർജമാണ് നൽകുന്നത്. വിദേശങ്ങളിൽ നിന്നുള്ള പുതിയ ഉംറ തീർഥാടകരുടെ ആദ്യ സംഘങ്ങൾ മദീനയിൽ എത്തിത്തുടങ്ങിയ പശ്ചാത്തലത്തിൽ, ഈ വർഷവും ഹോട്ടൽ മേഖലയിൽ നിക്ഷേപങ്ങളും വളർച്ചയും കൂടുതൽ ശക്തമായി തുടരുമെന്നാണ് സാമ്പത്തിക വിദഗ്ധരുടെ വിലയിരുത്തൽ.

Content Highlight: Madinah's hotel accommodation sector records highest growth in three years

#Latest News #Gulf News #Madinah #Madinah Hotel Accommodation