---
title: "ദുബായിൽ മഞ്ഞ് മൂടി; ദുബായിലെ രണ്ട് അന്താരാഷ്ട്ര വിമാനത്താവളങ്ങളുടെയും പ്രവർത്തനം ഭാഗികമായി തടസ്സപ്പെട്ടു"
english_title: "Dubai's two international airports partially disrupted"
publisher: "gccnews.in"
canonical_url: "https://gcc.truevisionnews.com/news/341293/dubais-two-international-airports-partially-disrupted"
published_at: "2026-02-10T23:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/698b71f84f245_23.jpg"
keywords: []
---

# ദുബായിൽ മഞ്ഞ് മൂടി; ദുബായിലെ രണ്ട് അന്താരാഷ്ട്ര വിമാനത്താവളങ്ങളുടെയും പ്രവർത്തനം ഭാഗികമായി തടസ്സപ്പെട്ടു

> **Lead Summary:** **ദുബായ്: **യുഎഇയിൽ അനുഭവപ്പെട്ട കനത്ത മൂടൽമഞ്ഞിനെ തുടർന്ന് ദുബായിലെ രണ്ട് അന്താരാഷ്ട്ര വിമാനത്താവളങ്ങളുടെയും പ്രവർത്തനം ഭാഗികമായി തടസ്സപ്പെട്ടു.

## Article Content

**ദുബായ്: **യുഎഇയിൽ അനുഭവപ്പെട്ട കനത്ത മൂടൽമഞ്ഞിനെ തുടർന്ന് ദുബായിലെ രണ്ട് അന്താരാഷ്ട്ര വിമാനത്താവളങ്ങളുടെയും പ്രവർത്തനം ഭാഗികമായി തടസ്സപ്പെട്ടു.

ചൊവ്വാഴ്ച പുലർച്ചെ മുതൽ ദൂരക്കാഴ്ച കുറഞ്ഞതാണ് വ്യോമഗതാഗതത്തെ ബാധിച്ചത്. ദുബായ് ഇൻ്റർനാഷണൽ, ദുബായ് വേൾഡ് സെൻട്രൽ എന്നീ വിമാനത്താവളങ്ങളിലായി ഏകദേശം 35 സർവീസുകളെയാണ് കാലാവസ്ഥാ വ്യതിയാനം ബാധിച്ചതെന്ന് അധികൃതർ അറിയിച്ചു.

കനത്ത മഞ്ഞ് കാരണം 12 വിമാനങ്ങൾ റദ്ദാക്കി. വിവിധ രാജ്യങ്ങളിൽ നിന്ന് ദുബായിലേക്ക് വരേണ്ടിയിരുന്ന 23 വിമാനങ്ങൾ സമീപത്തെ മറ്റ് വിമാനത്താവളങ്ങളിലേക്ക് വഴിതിരിച്ചുവിടുകയും ചെയ്തു.

വ്യോമഗതാഗതത്തിന് പുറമേ ദുബായിലെ പ്രധാന ഹൈവേകളിലും റോഡ് ഗതാഗതം മന്ദഗതിയിലായി. വിമാന സർവീസുകൾ പുനഃക്രമീകരിക്കാൻ എയർലൈനുകളുമായി ചേർന്ന് പ്രവർത്തിക്കുകയാണെന്നും യാത്രക്കാർ തങ്ങളുടെ ഫ്ലൈറ്റ് വിവരങ്ങൾ മുൻകൂട്ടി പരിശോധിക്കണമെന്നും ദുബായ് എയർപോർട്ട്‌സ് വക്താവ് നിർദ്ദേശിച്ചു.

### Related Links & Sources
- [Original Story Source](https://gcc.truevisionnews.com/news/341293/dubais-two-international-airports-partially-disrupted)